ബോസ്റ്റൺ: ലോകകപ്പിൽ തിളങ്ങുന്നില്ലെന്ന വിമർശനത്തിന് ഹാട്രിക് മികവിലൂടെ മറുപടി നൽകി ഉസ്മാൻ ഡെംബലെ. നോർവേയുമായുള്ള മത്സരത്തിൽ മുപ്പത്തിരണ്ട് മിനിറ്റിലാണ് ഡെംബലെ ഹാട്രിക് തികച്ചത്. ലോകക്കപ്പിൽ ഏറ്റവും വേഗത്തിൽ ഹാട്രിക് നേടുന്ന രണ്ടാമത്തെ താരമാണ് ഡെംബലെ. 1954 ന് ശേഷം ലോകകപ്പിൽ ഏറ്റവും വേഗത്തിൽ ഹാട്രിക് നേടുന്ന താരമെന്ന റെക്കോർഡും ഇതോടെ ഡെംബലെ സ്വന്തമാക്കി. ചെക്ക് റിപ്പബ്ലിക്കിനെതിരെ ഓസ്ട്രിയൻ താരം എറിച്ച് പ്രോബ്സ്റ്റ് 1954 ലെ ലോകക്കപ്പിൽ 24 മിനിറ്റിലാണ് ഹാട്രിക് തികച്ചത്.
ലോകകപ്പ് ഗ്രൂപ്പ് ഘട്ടത്തിലെ നിർണായക മത്സരത്തിൽ ഫ്രാൻസ് ശക്തമായ പ്രകടനവുമായി നോർവെയെ 4-1ന് പരാജയപ്പെടുത്തി. തുടക്കം മുതൽ തന്നെ ആക്രമണ ഫുട്ബോൾ പുറത്തെടുത്ത ഫ്രഞ്ച് താരങ്ങൾ മത്സരത്തിന്റെ നിയന്ത്രണം സ്വന്തമാക്കി.
ആദ്യ പകുതിയിൽ തന്നെ ഫ്രാൻസ് മുന്നിലെത്തിയതോടെ നോർവേ പ്രതിരോധത്തിലേക്ക് ഒതുങ്ങി. മധ്യനിരയിൽ പന്ത് കൈവശം വച്ച ഫ്രഞ്ച് താരങ്ങൾ തുടർച്ചയായ ആക്രമണങ്ങളിലൂടെ എതിരാളികളുടെ പ്രതിരോധം തകർത്തു.
മത്സരത്തിൽ നോർവേ ഒരു ഗോൾ തിരിച്ചടിച്ചെങ്കിലും ഫ്രാൻസിന്റെ മുന്നേറ്റം തടയാൻ അതുകൊണ്ട് സാധിച്ചില്ല. മികച്ച പാസിംഗ്, വേഗതയേറിയ കൗണ്ടർ അറ്റാക്കുകൾ, കൃത്യമായ ഫിനിഷിംഗ് എന്നിവയാണ് ഫ്രാൻസിന്റെ വിജയത്തിന് അടിസ്ഥാനം.
About the Author
