ടുണീഷ്യയെ തകർത്ത് ഡച്ച് പട ഗ്രൂപ്പ് ചാമ്പ്യന്മാർ; റൗണ്ട് ഓഫ് 32-ൽ മൊറോക്കോ എതിരാളികൾ

കൻസാസ് സിറ്റി: ഫിഫ ലോകകപ്പ് ഗ്രൂപ്പ് എഫിലെ അവസാന പോരാട്ടത്തിൽ ടുണീഷ്യയെ തകർത്തുവിട്ട് റൊണാൾഡ് കോമാന്റെ നെതർലൻഡ്‌സ് ഗ്രൂപ്പ് ജേതാക്കളായി നോക്കൗട്ട് റൗണ്ടിലേക്ക് മുന്നേറി. ഒന്നിനെതിരെ മൂന്ന് ഗോളുകൾക്കായിരുന്നു ഓറഞ്ച് പടയുടെ ആധികാരിക വിജയം. രണ്ട് ജയവും ഒരു സമനിലയുമടക്കം 7 പോയിന്റോടെയാണ് നെതർലൻഡ്‌സ് ഗ്രൂപ്പിൽ ഒന്നാമതായത്. ഗ്രൂപ്പിൽ രണ്ടാം സ്ഥാനക്കാരായി ജപ്പാനും മൂന്നാം സ്ഥാനക്കാരായി സ്വീഡനും നോക്കൗട്ടിൽ പ്രവേശിച്ചപ്പോൾ ഒരു പോയിന്റ് പോലുമില്ലാതെ ടുണീഷ്യ നിരാശയോടെ മടങ്ങി.