ബെംഗളൂരു: ഒരു കർഷകന്റെ കാർ വാങ്ങൽ ഇപ്പോൾ സോഷ്യൽ മീഡിയയിൽ തരംഗമായിരിക്കുകയാണ്. എസ്എസ് ആർ സഞ്ജു എന്ന ബെംഗളൂരുകാരൻ വെറും ഒരു കർഷകനല്ല . വ്യത്യസ്തമായ ജീവിതം കൊണ്ടും പണം കൊണ്ടുമൊക്കെ അറിയപ്പെടുന്ന ഒരു സോഷ്യൽ മീഡിയാ താരം കൂടിയാണ്. ഇപ്പോഴിതാ പുത്തൻ ആഡംബര കാർ വാങ്ങാനുള്ള സഞ്ജുവിന്റെ യാത്രയാണ് വൈറലായിരിക്കുന്നത്. നിരവധി ആഡംബര കാറുകൾ സ്വന്തമായുള്ള സഞ്ജു പുത്തൻ കാറിന്റെ ഡെലിവറിക്ക് പോകാൻ തെരഞ്ഞെടുത്തത് കാളവണ്ടിയാണ്. എന്നതാണ് അതിശയമായത്.
വെള്ള മുണ്ടും കുർത്തയും ധരിച്ച്, കഴുത്തിലും കയ്യിലുമെല്ലാം സ്വർണാഭരണങ്ങൾ ധരിച്ച് കാളവണ്ടിയിലുള്ള സഞ്ജുവിന്റെ യാത്ര കണ്ട് ആളുകൾ അമ്പരന്നു നിന്നു
‘കർഷകൻ ആഡംബര കാർ വാങ്ങുമ്പോൾ’ എന്ന ടൈറ്റിലോടുകൂടിയാണ് ഇദ്ദേഹം യൂട്യൂബിൽ വീഡിയോ ഷെയർ ചെയ്തത്. അതിൽ സഞ്ജു മറ്റ് കാറുകൾ ഷോറൂമിലേക്ക് പോകാൻ തയ്യാറാക്കാൻ ടീമിനോട് നിർദ്ദേശിക്കുന്നത് കാണാം.
ഓഫീസിന് പുറത്ത് സഞ്ജുവിന്റെ ആകർഷകമായ ആഡംബര വാഹനങ്ങൾ അണി നിരന്നു. അതിൽ പോർഷെ പനാമേര, ഫോർഡ് മസ്റ്റാങ്, മസെരാട്ടി ലെവാന്റെ, ടൊയോട്ട ഇന്നോവ ഹൈക്രോസ്, ടൊയോട്ട ഫോർച്യൂണർ എന്നിവ ഉൾപ്പെടുന്നു. പക്ഷെ ജീവനക്കാരും സെക്യൂരിറ്റി ടീമും വിവിധ കാറുകളിൽ കയറിയപ്പോൾ, സഞ്ജു നേരേ കാളവണ്ടിയിലേക്ക്.
അങ്ങനെ കാള വണ്ടിയിൽ നേരെ ഷോറൂമിലേക്ക്, ഒരു കോടിയുടെ ടൊയോട്ട വെൽഫയറുമായി മടങ്ങുന്നതാണ് വീഡിയോയിൽ കാണുന്നത്. ഇപ്പോൾ തന്നെ അനേകം ആഡംബരക്കാറുകൾ കൈവശമുള്ള സഞ്ജു പുതിയ ഒന്നുകൂടി വാങ്ങുന്നത് വെറൈറ്റി ആയിരിക്കട്ടെ എന്ന് കരുതിയാണ് കാളവണ്ടിയിൽ ഷോ റൂമിലേക്ക് പോയത്. അതാണെങ്കിൽ വൈറലുമായി
About the Author
