കർണാടക ഷിരൂരിൽ മണ്ണിടിച്ചിലിൽ കാണാതായ മലയാളി ലോറി ഡ്രൈവർ അർജുനായുള്ള തിരച്ചിൽ നാളെ പുനരാരംഭിക്കാൻ സാധ്യത. മുങ്ങൽ വിദഗ്ധൻ ഈശ്വർ മാൽപെ നാളെ ഷിരൂരിൽ എത്തും. പുഴയിൽ ഇറങ്ങി തിരച്ചിൽ നടത്താൻ നിലവിൽ അനുകൂല സാഹചര്യമാണെന്നും തിരച്ചിലിനായി കൂടുതൽ മത്സ്യത്തൊഴിലാളികളുടെ സഹായം തേടുമെന്നും ഈശ്വർ മാൽപെ പറഞ്ഞു.
അതേസമയം തിരച്ചിലിന് ഔദ്യോഗികമായി അനുമതി നൽകിയിട്ടില്ലെന്ന് ജില്ലാ ഭരണകൂടം അറിയിച്ചു. മണ്ണ് നീക്കം ചെയ്യാൻ തൃശൂരിലെ യന്ത്രം കൊണ്ടു പോകുന്നതിലും തീരുമാനം ആയില്ല. 13 ദിവസം നീണ്ട തിരച്ചിൽ ജൂലൈ 26 നാണ് താത്കാലികമായി അവസാനിപ്പിച്ചത്.