വയനാട് : വയനാട് കളക്ടറേറ്റിലെ പ്രിൻസിപ്പൽ കൃഷി ഓഫീസിലാണ് ജീവനക്കാരി ആത്മഹത്യക്ക് ശ്രമിച്ചത്. ക്ലാർക്കായ യുവതി ഓഫീസിലെ ശുചി മുറിയിൽ കയറി കൈ ഞരമ്പ് മുറിച്ചാണ് ആത്മഹത്യക്ക് ശ്രമിച്ചത്. യുവതി കൽപ്പറ്റ ജനറൽ ആശുപത്രിയില്‍ വൈദ്യ സഹായം തേടി
ആത്മഹത്യാ ശ്രമം ഓഫീസിലെ സഹപ്രവർത്തകൻ്റെ മാനസിക പീഡനം മൂലമാണെന്ന് ആരോപണമുണ്ട്.
ജോയിൻ്റ് കൗൺസിൽ നേതാവ് പ്രജിത്ത് മാനസികമായി പീഡിപ്പിച്ചു എന്നാണ് പരാതി. ഇക്കാര്യം ചൂണ്ടിക്കാട്ടി യുവതി ഇന്റേണൽ കംപ്ലെയിന്റ് കമ്മിറ്റിക്ക് പരാതി നൽകിയിരുന്നു. ഈ പരാതി നിലനിൽക്കെ ക്രമവിരുദ്ധമായി സ്ഥലംമാറ്റി എന്നാണ് ആരോപണം.
യുവതിയുടെ പരാതിയിൽ ഇന്ന് വനിതാ കമ്മീഷൻ സിറ്റിംഗ് ഉണ്ടായിരുന്നു. ഈ സിറ്റിങ്ങിലും ജീവനക്കാരിയെ മോശമായി ചിത്രീകരിച്ചെന്നും ആരോപണമുണ്ട്