ആഡംബര ജീവിതത്തിന് മോഷണം; ഇൻസ്റ്റഗ്രാം താരമായ യുവതി പിടിയിൽ..
ഇൻസ്റ്റഗ്രാമിൽ ഒട്ടേറെ ഫോളോവേഴ്സുള്ള ചിതറ ഭജനമഠത്തിൽ മുബീനയെയാണ് അറസ്റ്റ് ചെയ്തത്.
ആഡംബരജീവിതം നയിച്ചിരുന്ന ഇവർക്ക് അതിനുള്ള സാമ്പത്തികശേഷി ഇല്ലെന്ന് പോലീസ് മനസ്സിലാക്കി. ഒന്നര ലക്ഷം വില വരുന്ന ഫോണാണ് മുബീന ഉപയോഗിച്ചിരുന്നത്. പോലീസ് ചോദ്യം ചെയ്തപ്പോള്‍ മോഷണം സമ്മതിക്കാൻ ആദ്യം തയ്യാറായില്ല. പക്ഷെ തെളിവുകൾ നിരത്തിയുള്ള ചോദ്യചെയ്യലിൽ മോഷണം നടത്തിയത് താനാണെന്ന് മുബീന സമ്മതിക്കുകയായിരുന്നു
ചിതറയിലെ ബന്ധുവിന്റെയും സുഹൃത്തിൻ്റെയും വീടുകളിൽനിന്ന് 17 പവൻ സ്വർണമാണ് കവർന്നത്.
മുബീനയുടെ ഭർതൃസഹോദരി മുനീറയുടെ വീട്ടിൽ നിന്ന് 6 പവൻ്റെ താലിമാല, ഒരു പവന്റെ വള, ഒരു പവൻ വീതമുള്ള രണ്ട് കൈച്ചെയിൻ, രണ്ട് ഗ്രാം വരുന്ന രണ്ട് കമ്മലുകൾ എന്നിവയാണ് മോഷണംപോയത്.
ഇതിന് സമാനമായി മുബീനയുടെ സുഹൃത്തായ അമാനി നൽകിയ പരാതിയിലും മുബീനയെയാണ് സംശയിച്ചിരുന്നത്. ഇതില്‍ അന്വേഷണം നടക്കുന്നതിനിടെയാണ് മുബീനയുടെ ഭർത്തൃസഹോദരി മുനീറ പരാതി നൽകുന്നത്
സംഭവം നടന്ന് ദിവസങ്ങൾക്ക്
ശേഷമാണ് സ്വർണം മോഷണം പോയ വിവരം മുനീറ അറിഞ്ഞത്.
തുടർന്ന് വീട്ടിലെ നിരീക്ഷണ ക്യാമറ പരിശോധിച്ചപ്പോൾ മുബീന ദിവസങ്ങൾക്ക് മുൻപ് വീട്ടിലെത്തി മടങ്ങിപ്പോകുന്ന ദൃശ്യം ലഭിച്ചു. ഈ ദിവസങ്ങളില്‍ ഇവിടെ മറ്റാരും വന്നിട്ടില്ലന്നും വ്യക്തമായി. പൂട്ടിയിട്ട വീട്ടിലെ താക്കോൽ സൂക്ഷിക്കുന്ന സ്ഥലം അറിയാമായിരുന്ന മുബീന താക്കോലെടുത്ത് മുറി തുറന്ന് മോഷണം നടത്തുകയായിരുന്നു
മുനീറ നല്‍കിയ പരാതിയെ
തുടർന്ന് പോലീസ് മുബീനയെ കേന്ദ്രീകരിച്ച് അന്വേഷണമാരംഭിച്ചു. ഇവരുടെ ഭർത്താവായ ഓട്ടോറിക്ഷാ ഡ്രൈവർ അടുത്തിടെയാണ് വിദേശത്ത് പോയത്.
ആഡംബര ജീവിതത്തിനായാണ് മോഷണം നടത്തിയതെന്നാണ് പോലീസിനോടു പറഞ്ഞത്. വിൽപ്പന നടത്തിയ സ്വർണത്തിന്റെ ബാക്കിയും പണവും പോലീസ് ഇവരുടെ വീട്ടിൽ നിന്ന് കണ്ടെടുത്തു