മിയാമി സ്റ്റേഡിയത്തിൽ നടന്ന ഉദ്വേഗഭരിതമായ മത്സരത്തിൽ ഒന്നിനെതിരെ രണ്ട് ഗോളുകൾക്കാണ് ഇംഗ്ലണ്ടിന്റെ വിജയം. സൂപ്പർ താരം ജൂഡ് ബെല്ലിങ്ഹാമിന്റെ ഇരട്ട ഗോളുകളാണ് ഇംഗ്ലണ്ടിന് നാടകീയ വിജയം സമ്മാനിച്ചത്.
വാശിയേറിയ പോരാട്ടംമത്സരത്തിന്റെ 36-ാം മിനിറ്റിൽ ആൻഡ്രിയാസ് ഷെൽഡറപ്പിലൂടെ നോർവേയാണ് ആദ്യം ലീഡെടുത്തത്. എന്നാൽ ആദ്യ പകുതിയുടെ ഇഞ്ചുറി ടൈമിൽ (45+2′) ജൂഡ് ബെല്ലിങ്ഹാം ഇംഗ്ലണ്ടിന് സമനില സമ്മാനിച്ചു. നിശ്ചിത സമയത്ത് ഇരുടീമുകളും 1-1 സമനില പാലിച്ചതോടെ മത്സരം എക്സ്ട്രാ ടൈമിലേക്ക് നീണ്ടു. എക്സ്ട്രാ ടൈമിന്റെ തുടക്കത്തിൽ തന്നെ (93-ാം മിനിറ്റ്) ബെല്ലിങ്ഹാം ഇംഗ്ലണ്ടിന്റെ വിജയഗോൾ നേടി.
വാറിന്റെ നാടകീയതകൾ
രണ്ടാം പകുതിയിൽ നോർവേ താരം എർലിങ് ഹാലണ്ട് നേടിയ ഒരു ഗോൾ വാർ (VAR) പരിശോധനയിൽ ഫൗളാണെന്ന് കണ്ടെത്തി റദ്ദാക്കിയത് നോർവേയ്ക്ക് കനത്ത തിരിച്ചടിയായി. ടോർബോൺ ഹെഗ്ഗെം അടിച്ച പന്ത് വലയിലെത്തിയെങ്കിലും ഹാലണ്ട് ഇംഗ്ലീഷ് താരം ജോൺ സ്റ്റോൺസിനെ ഫൗൾ ചെയ്തതിനാലാണ് ഗോൾ നിഷേധിച്ചത്. ഈ ലോകകപ്പിൽ മികച്ച കുതിപ്പ് നടത്തിയ നോർവേ കനത്ത പോരാട്ടത്തിനൊടുവിലാണ് ക്വാർട്ടറിൽ പുറത്തായത്.
About the Author
