പത്തനംതിട്ട: അടിസ്ഥാന പരമായി താൻ ഒരു പാര്ട്ടി പ്രവര്ത്തകനാണെന്നും കോണ്ഗ്രസ് പ്രവര്ത്തകര്ക്ക് താന് കാരണം തലകുനിക്കേണ്ടി വരില്ലെന്നും രാഹുല് മാങ്കൂട്ടത്തില് പ്രതികരിച്ചു. തനിക്കെതിരെ ആരോപണവുമായി രംഗത്തെത്തിയ അവന്തിക എന്ന ട്രാന്സ് വുമണുമായി ഒരു മാധ്യമ പ്രവര്ത്തകന് നടത്തിയ സംഭാഷണവും രാഹുല് പുറത്തുവിട്ടു. ആഗസ്റ്റ് ഒന്നിനാണ് മാധ്യമ പ്രവർത്തകൻ ഫോണ് കോൾ ചെയ്തത് . രാഹുലിനെതിരെ ആരോപണം ഉണ്ടോ എന്നാണ് മാധ്യമ പ്രവര്ത്തകന് അവന്തികയോട് ചോദിച്ചത്. രാഹുലിനെതിരെ ഒരു ആരോപണവും ഇല്ലെന്നാണ് അവന്തിക മറുപടിയായി പറയുന്നത്. ബാക്കി കാര്യങ്ങള് പിന്നീട് പറയാം എന്ന് പറഞ്ഞ് രാഹുല് വാര്ത്താ സമ്മേളനം അവസാനിപ്പിക്കുകയായിരുന്നു.
രാഹുൽ മാങ്കൂട്ടത്തിലിന്റെ രാജി ആവശ്യത്തിൽ കടുത്ത നിലപാടുമായി കോണ്ഗ്രസ് നേതാക്കള് നേരത്തെ രംഗത്തെത്തിയിരുന്നു. എന്നാല് രാഹുല് രാജി പ്രഖ്യാപനം നടത്തിയല്ല. രാഹുൽ രാജിവെക്കണമെന്ന് വനിതാ നേതാക്കളടക്കം ആവശ്യം ഉന്നയിച്ചതോടെ കോൺഗ്രസിൽ തിരക്കിട്ട കൂടിയാലോചനകളാണ് നടക്കുന്നത്. രാഹുലിന്റെ രാജിയിൽ തീരുമാനം സംസ്ഥാന നേതൃത്വത്തിന് എഐസിസി നേതൃത്വം വിട്ടിരിക്കുകയാണ്. തദ്ദേശ തെരഞ്ഞെടുപ്പ് അടക്കം വരാനിരിക്കെ രാഹുൽ രാജിവെച്ചില്ലെങ്കിൽ രാഷ്ട്രീയമായി ഇതിനെ എങ്ങനെ പ്രതിരോധിക്കുമെന്ന ആശങ്കയാണ് നേതാക്കള്ക്കുള്ളത്.
About the Author
