സംസ്ഥാനത്തെ ബിജെപിയുടെ വിവിധ മോർച്ച ഭാരവാഹികളെ പ്രഖ്യാപിച്ചു. യുവമോർച്ചയുടെ പുതിയ സംസ്ഥാന അധ്യക്ഷനായി വി മനു പ്രസാദിനെ തിരഞ്ഞെടുത്തു. ലോക്‌സഭാ തിരഞ്ഞെടുപ്പിൽ വയനാടിൽ മത്സരിച്ച ബിജെപി സ്ഥാനാർത്ഥി നവ്യ ഹരിദാസ് ആണ് മഹിളാമോർച്ചയുടെ പുതിയ സംസ്ഥാന അധ്യക്ഷ. ഒബിസി മോർച്ച അധ്യക്ഷനായി എം പ്രേമൻ മാസ്റ്റർ, എസ്‌സി മോർച്ച അധ്യക്ഷനായി ഷാജുമോൻ വട്ടേക്കാട്, എസ് ടി അധ്യക്ഷനായി മുകുന്ദൻ പള്ളിയറ, മൈനോറിറ്റി മോർച്ചയുടെ അധ്യക്ഷനായി സുമിത് ജോർജ്, കിസാൻ മോർച്ചയുടെ അധ്യക്ഷനായി ഷാജി രാഘവൻ എന്നിവരും തിരഞ്ഞെടുക്കപ്പെട്ടു.
യുവമോർച്ച, മഹിളാ മോർച്ച അധ്യക്ഷ തിരഞ്ഞെടുപ്പിന് അഭിമുഖം വെച്ചത് വലിയ വിവാദമായിരുന്നു. സംസ്ഥാന അധ്യക്ഷൻ രാജീവ് ചന്ദ്രശേഖർ, ശോഭ സുരേന്ദ്രൻ, കുമ്മനം രാജശേഖരൻ എന്നിവരാണ് അഭിമുഖം നടത്തിയത്. ഇതിൽ എതിർപ്പുമായി കെ സുരേന്ദ്രൻ, വി മുരളീധരൻ വിഭാഗം രംഗത്തെത്തിയിരുന്നു
About the Author
