ഐ ഫോണ്‍ വിവാദത്തിൽ കോടിയേരി ബാലകൃഷ്ണന്റെ ഭാര്യ വിനോദിനി ബാലകൃഷ്ണനെതിരെ വീണ്ടും കസ്റ്റംസ് നോട്ടീസ് . മൂന്നാം തവണയാണ് വിനോദിക്ക് കസ്റ്റംസ് നോട്ടീസ് അയച്ചത്. ഈ മാസം 30 ന് കസ്റ്റംസ് ഓഫീസില്‍ ഹാജരാകാന്‍ ആവശ്യപ്പെട്ടുകൊണ്ടാണ് നോട്ടീസ്. തപാല്‍ മാര്‍ഗവും ഇ-മെയിലിലും നോട്ടീസ് അയച്ചിട്ടുണ്ട്. ഇക്കഴിഞ്ഞ 10ന് ഹാജരാകണമെന്ന് ആവശ്യപ്പെട്ട് വിനോദിനിക്ക് ആദ്യം കസ്റ്റംസ് നോട്ടീസ് അയച്ചിരുന്നു. എന്നാല്‍ നോട്ടീസ് ലഭിച്ചില്ല എന്ന മറുപടിയാണ് നല്‍കിയത്. ഇതിന് പിന്നാലെ ഇക്കഴിഞ്ഞ 23 ന് ഹാജരാകണമെന്ന് ആവശ്യപ്പെട്ട് നോട്ടീസ് നല്‍കിയിരുന്നു. എന്നാല്‍ ഇന്നലെയും വിനോദിനി ഹാജരായില്ല.
