കണ്ണൂര്‍ പള്ളിക്കുന്ന് സ്വദേശിനിയുടെ ബാങ്ക് അക്കൗണ്ടിൽ നിന്നും 9 ലക്ഷം രൂപ ഓണ്‍ ലൈന്‍ വഴി തട്ടിയെടുത്ത ഉത്തര്‍പ്രദേശ് സ്വദേശി പിടിയിൽ . പ്രവീണ്‍ കുമാറിനെയാണ് കണ്ണൂര്‍ ടൗൺ പോലീസിന്‍റെ പിടിയിലായത്. എസ് ബി ഐ ബാങ്ക് ഉദ്യോഗസ്ഥന്‍ എന്ന വ്യാജേന പരാതിക്കാരിയുടെ മൊബൈല്‍ ഫോണിലേക്ക് വിളിച്ച് യൂസര്‍ ഐ ഡി , പാസ്സ് വേഡ് എന്നിവ കൈക്കലാക്കിയാണ് തട്ടിപ്പ് നടത്തിയത്. കൂട്ട് പ്രതികളായ രണ്ടു പേരെ കൂടി കണ്ടെത്താനുണ്ട്. കണ്ണൂര്‍ ടൗൺ പോലീസ് സ്റ്റേഷനിലെ എസ് ഐ ശ്രീ സജീവന്‍, സീനിയര്‍ സിവില്‍ പോലീസ് ഓഫീസര്‍ സന്തോഷ്, സജിത്ത് എന്നിവരാണ് ഉത്തര്‍പ്രദേശിലെ അറോറ പോലീസിന്‍റെ സഹായത്തോടെ മാവോയിസ്റ്റ് കേന്ദ്രത്തില്‍ നിന്നാണ് പിടികൂടിയത്.
