ബെംഗളൂരു; ദുബായില് നിന്ന് ബെംഗളൂരുവിലേക്ക് സ്വര്ണം കടത്തുന്നതിനിടെ പിടിയിലായ നടി രന്യ റാവുവിന് 102 കോടി രൂപ പിഴ ചുമത്തി റവന്യൂ ഇന്റലിജന്സ് ഡയറക്ടറേറ്റ്. മാര്ച്ച് 4നാണ് സ്വര്ണക്കടത്ത് കേസില് നടി രന്യ റാവു അറസ്റ്റിലായത്.14.8 കിലോ ഗ്രാം സ്വര്ണമാണ് ഇവരില് നിന്ന് റവന്യൂ ഇന്റലിജന്സ് വിഭാഗം കണ്ടെടുത്തത്. ഇവരെക്കൂടാതെ ഹോട്ടല് വ്യവസായി തരുണ് കൊണ്ടരാജു, ജ്വല്ലറി ഉടമകളായ സഹില് സകാരിയ, ഭരത് കുമാര് ജെയിന് എന്നിവര്ക്കും പിഴയിട്ടിട്ടുണ്ട്. ഇവര്ക്ക് യഥാക്രമം 63 കോടിയും, 56 കോടിയും വീതമാണ് പിഴയിട്ടത്.
കര്ണാടകയിലെ ഉന്നത പൊലീസ് ഉദ്യോഗസ്ഥന്റെ മകളാണ് രന്യ. ഈ സ്വാധീനം ഉപയോഗിച്ചാണ് ഇവര് നിരവധി തവണ സ്വര്ണം കടത്തിയത്.
അറസ്റ്റിലാകുന്നതിന് മുമ്പ് 4 തവണ നടി ദുബായ് സന്ദര്ശനം നടത്തിയതോടെ ഡിആര്ഐയുടെ നിരീക്ഷണത്തിലാകുകയായിരുന്നു. രന്യയുടെ അറസ്റ്റിന് പിന്നാലെയാണ സുഹൃത്ത് തരുണ് രാജിനെ പൊലീസ് കസ്റ്റഡിയിൽ എടുത്തത്. കേസിലെ രണ്ടാം പ്രതിയാണ് തരുണ്. കര്ണാടകയിലെ ഹോട്ടല് ഉടമയുടെ കൊച്ചുമകനായ തരുണും രന്യയും ആദ്യം സുഹൃത്തുക്കളായിരുന്നു. പിന്നീട് രന്യയുടെ വിവാഹത്തോടെ ഇരുവരും പിരിഞ്ഞെങ്കിലും സ്വര്ണക്കടത്തില് ഇവര് ഒന്നിച്ച് പ്രവര്ത്തിച്ചു. ഇരുവരും ഒരുമിച്ച് 26 ദുബായ് യാത്രകള് നടത്തിയിരുന്നതായും ഈ യാത്രകളിലെല്ലാം ഇവര് സ്വര്ണം കടത്തിയിരുന്നുവെന്നും പൊലീസ് കണ്ടെത്തി. ബെംഗളൂരു സെന്ട്രല് ജയിലില് എത്തിയ ഡിആര്ഐ ഉദ്യോഗസ്ഥര് പ്രതികള്ക്ക് 250 പേജ് വരുന്ന നോട്ടീസും 2500 പേജുള്ള മറ്റ് രേഖകളും കൈമാറിയിട്ടുണ്ട്.
About the Author
