മലപ്പുറം : പതിനഞ്ചുകാരനെ ലൈംഗികമായി പീഡിപ്പിച്ച് വീഡിയോ പകർത്തി ഭീഷണിപ്പെടുത്തിയ കേസിൽ യുവതി പിടിയിൽ . പാലക്കാട് കല്ലടിക്കോട് സ്വദേശി സത്യഭാമ (30) ആണ് അറസ്റ്റിലായത്. പതിനഞ്ചുകാരനെ പീഡിപ്പിച്ച് ദൃശ്യങ്ങൾ ഫോണിൽ പകർത്തിയത് യുവതിയുടെ ഭർത്താവ് സാബികാണെന്നാണ് പരാതിയിൽ പറയുന്നത്. തിരൂർ ബി പി അങ്ങാടി സ്വദേശിയായ സാബിക് ഇപ്പോൾ ഒളിവിലാണ്. തിരൂർ പോലീസ് സ്റ്റേഷൻ പരിധിയിൽ വെച്ചായിരുന്നു പീഡനം.
സാബികും, സത്യഭാമയും ലഹരിക്ക് അടിമകളാണെന്നും പതിനഞ്ചുകാരനും ലഹരി കൊടുക്കാൻ ശ്രമിച്ചുവെന്നും പരാതിയിൽ പറയുന്നു. ദൃശ്യങ്ങൾ കാട്ടി ഭീഷണിപ്പെടുത്തി. സ്ത്രീകളുടെ നഗ്‌ന വീഡിയോ എടുത്ത് തരാനും ആവശ്യപ്പെട്ടെന്ന് പരാതിയിലുണ്ട്.കുട്ടിയുടെ വീട്ടുകാരുടെ പരാതിയിലാണ് തിരൂർ പോലീസ് യുവതിയെ അറസ്റ്റ് ചെയ്തത്. സാബികിനായി പോലീസ് അന്വേഷണം ഊർജിതമാക്കി..