ഉത്തരാഖണ്ഡ് നിയമസഭാ തെരഞ്ഞെടുപ്പിൽ കോൺഗ്രസിന്റെ ആദ്യഘട്ട സ്ഥാനാർഥിപ്പട്ടിക ഇന്ന് പുറത്തിറക്കും. ആദ്യഘട്ടത്തിൽ 66 മണ്ഡലങ്ങളിലേക്കുള്ള സ്ഥാനാർഥികളെയാകും പ്രഖ്യാപിക്കുക. 4 മണ്ഡലങ്ങളിലെ സ്ഥാനാർഥി നിർണയ ചർച്ചകൾ തുടരുകയാണെന്ന് മുൻ മുഖ്യമന്ത്രി ഹരീഷ് റാവത്ത് പറഞ്ഞു.
ഇന്നലെ കോൺഗ്രസിൽ ചേർന്ന മുൻ മന്ത്രി ഹരാക് സിംഗ് റാവത്തിനെ കോട്ദ്വാർ മണ്ഡലത്തിൽ പരിഗണിച്ചേക്കും. കഴിഞ്ഞവർഷം ബിജെപിയിൽ നിന്ന് കോൺഗ്രസിൽ മടങ്ങിയത്തിയ യശ്പാൽ ആര്യയുടെ മകൻ സഞ്ജയ് ആര്യയും സ്ഥാനാർഥിയായേക്കും. ആദ്യഘട്ട സ്ഥാനാർത്ഥിപട്ടിക പ്രഖ്യാപിച്ച ബിജെപി ശേഷിക്കുന്ന 11 മണ്ഡലങ്ങളിലേക്കുള്ള സ്ഥാനാർത്ഥി നിർണയ ചർച്ചകൾ തുടരുകയാണ്.
