ദത്ത് നല്കല് വിവാദത്തില് ഉള്പ്പെട്ട കുഞ്ഞിനെ വിട്ടുകിട്ടാനായി ഹൈക്കോടതിയില് ഹേബിയസ് കോര്പ്പസ് ഹര്ജി നല്കിയ അനുപമയ്ക്ക് തിരിച്ചടി. ഹര്ജി പിന്വലിക്കണമെന്നും, ഇല്ലെങ്കില് തള്ളുമെന്നും ഹൈക്കോടതി അനുപമയോട് പറഞ്ഞു. മറ്റൊരു കേസ് തിരുവനന്തപുരം കുടുംബകോടതിയില് നിലനില്ക്കുകയല്ലേ എന്നും, അങ്ങനെയെങ്കില് എങ്ങനെ കോടതിയില് ഹേബിയസ് കോര്പ്പസ് നിലനില്ക്കുമെന്നും കോടതി ചോദിച്ചു.
കുഞ്ഞ് നിയമവിരുദ്ധ കസ്റ്റഡിയിലെന്ന് നിലവില് പറയാനാകില്ല. കേസ് നാളത്തേക്ക് ഹൈക്കോടതി മാറ്റുകയും ചെയ്തു. കുഞ്ഞിനെ നഷ്ടപ്പെട്ടെന്ന പരാതിയില് 2021 ഒക്ടോബര് 18-ന് മാത്രമാണ് പൊലീസ് കേസ് റജിസ്റ്റര് ചെയ്തത്. കുഞ്ഞിനെ കണ്ടെത്തി കസ്റ്റഡിയിലെടുത്ത് ഹാജരാക്കി തനിക്ക് കൈമാറണമെന്നാണ് ഹര്ജിയില് അനുപമയുടെ ആവശ്യം.