കർണ്ണന് പോലും അസൂയ തോന്നും വിധം ഈ കെകെആ‍‌ർ കവചം..! കെ കെ രാഗേഷിന് അഭിനന്ദന പോസ്റ്റുമായി ദിവ്യ എസ് അയ്യര്‍

കണ്ണൂര്‍; മുഖ്യമന്ത്രിയുടെ പ്രൈവറ്റ് സെക്രട്ടറി
കെ കെ രാഗേഷിനെ സിപിഎം
കണ്ണൂ‍ർ ജില്ലാ സെക്രട്ടറിയായി തെരഞ്ഞെടുത്തതിന് പിന്നാലെ അഭിനന്ദന പോസ്റ്റുമായി ദിവ്യ എസ് അയ്യർ ഐഎഎസ്. ഇൻസ്റ്റഗ്രാമിലാണ് ദിവ്യ പോസ്റ്റ് പങ്ക് വെച്ചത്.
ഇക്കഴിഞ്ഞ മൂന്ന് വർഷങ്ങൾ അദ്ദേഹത്തിന്റെ ഔദ്യോഗിക ജീവിതം മുന്നിൽ നിന്നു വീക്ഷിച്ച തനിക്ക് ഒപ്പിയെടുക്കാൻ സാധിച്ച അനവധി ഗുണങ്ങൾ അദ്ദേഹത്തിനുണ്ടെന്ന് അക്കമിട്ട് പറഞ്ഞാണ്
ദിവ്യ എസ് അയ്യരുടെ പോസ്റ്റ്

പോസ്റ്റിന്റെ പൂ‌ർണ രൂപം:

‘കർണ്ണന് പോലും അസൂയ തോന്നും വിധം ഈ KKR കവചം!
ഇക്കഴിഞ്ഞ മൂന്ന് വർഷങ്ങൾ അദ്ദേഹത്തിന്റെ ഔദ്യോഗിക ജീവിതം മുന്നിൽ നിന്നു വീക്ഷിച്ച എനിക്കു ഒപ്പിയെടുക്കാൻ സാധിച്ച അനവധി ഗുണങ്ങൾ ഉണ്ട്.
വിശ്വസ്തതയുടെ ഒരു പാഠപുസ്തകം!📕
കഠിനാധ്വാനത്തിന്റെ ഒരു മഷിക്കൂടു! 🖌
Thank you, for always considering us with utmost respect–an art that is getting endangered in power corridors across the globe.’ – ദിവ്യ എസ് അയ്യർ ഐ എ എസ്.

സിപിഎം കണ്ണൂർ ജില്ലാ സെക്രട്ടറിയായി മുൻ
എം പിയും മുഖ്യമന്ത്രിയുടെ പ്രൈവറ്റ് സെക്രട്ടറിയുമായ കെകെ രാഗേഷിനെ
ഇന്ന് രാവിലെയാണ്
തീരുമാനിച്ചത്.
ജില്ലാ കമ്മിറ്റി യോഗത്തിലാണ് തീരുമാനം.
കണ്ണൂർ സെക്രട്ടറി സ്ഥാനത്ത് രാഗേഷിനെ നിശ്ചയിക്കാൻ മുഖ്യമന്ത്രി തന്നെ നേരിട്ട് ജില്ലാ കമ്മിറ്റി യോഗത്തിനെത്തി. സംസ്ഥാന സെക്രട്ടറി എം വി ഗോവിന്ദനും പങ്കെടുത്തു. കണ്ണൂര്‍ ജില്ലാ സെക്രട്ടറി സ്ഥാനത്തേക്ക് സംസ്ഥാന കമ്മിറ്റി അംഗങ്ങളായ ടി വി രാജേഷ്, പനോളി വത്സൻ, എൻ ചന്ദ്രൻ, എം.പ്രകാശൻ എന്നിവരുടെ പേരുകളും പറഞ്ഞു കേട്ടെങ്കിലും നിർണായകമായത് മുഖ്യമന്ത്രിയുടെ തീരുമാനമായിരുന്നു.
ഇതോടെ മുഖ്യമന്ത്രിയുടെ ഓഫീസിലെ ചുമതലയിൽ നിന്ന് കെ കെ രാഗേഷ് രാജിക്കത്ത് നല്‍കി ഒഴിഞ്ഞു