ആന്ധ്ര ഉപമുഖ്യമന്ത്രിയും നടനുമായ പവൻ കല്യാണിൻ്റെ മകൻ മാർക്ക് ശങ്കർ പവനോവിചിനാണ് സിംഗപ്പൂരിലെ സ്കൂളിൽ ഉണ്ടായ തീപ്പിടുത്തത്തില്‍ പൊള്ളലേറ്റത്.
7 വയസുകാരനായ
കുട്ടിയുടെ കാലിനും കൈക്കും പൊള്ളലേറ്റു. ആരോഗ്യനില തൃപ്തികരമാണ് എന്നാണ് വിവരം. ശ്വാസ കോശത്തിൽ കറുത്ത പുക കയറിയത് കാരണം ബോധരഹിതൻ ആയിരുന്നു.
മാർക്ക് അമ്മ അന്ന ലേഴ്നേവക്ക് ഒപ്പം സിംഗപ്പൂരിലാണ് താമസിക്കുന്നത്
ടുമാറ്റോ കുക്കിംഗ് സ്കൂൾ എന്ന വെക്കേഷൻ ക്യാമ്പിൽ പങ്കെടുക്കുകയായിരുന്നു കുട്ടി. സിംഗപ്പൂർ സമയം രാവിലെ 9.45ഓടെയാണ് ദുരന്തം ഉണ്ടായത്.
സിംഗപ്പൂർ സിവിൽ ഡിഫൻസ് ഫോഴ്‌സിൻ്റെ വാർത്താക്കുറിപ്പ് പ്രകാരം 19 പേർക്ക് തീപിടുത്തത്തിൽ പരിക്കേറ്റു എന്നാണ് വിവരം. ഇതിൽ 15 പേർ കുട്ടികളാണ്. 4 മുതിർന്നവര്‍ക്കും പൊള്ളലേറ്റു. .
സ്ഥലത്തെ നിർമാണത്തൊഴിലാളികളും നാട്ടുകാരുമാണ് ആദ്യം
രക്ഷാപ്രവർത്തനം നടത്തിയത്.
ആന്ധ്രയിലെ രാഷ്ട്രീയ പരിപാടികൾ റദ്ദാക്കി പവൻ കല്യാൺ ഉടൻ സിംഗപ്പൂർക്ക് തിരിക്കും