തമിഴ്‌നാട് തിരുച്ചിറപ്പള്ളി ജില്ലയിലെ പ്രസിദ്ധമായ അണ്ടനല്ലൂർ ശിവക്ഷേത്രത്തിന് സമീപമാണ് റോക്കറ്റ് ലോഞ്ചർ കണ്ടെത്തിയത്. ഇന്നലെ ദർശനത്തിനെത്തിയ ഭക്തർ കാവേരി നദിയുടെ തീരത്ത് ഇളം നീലയും കറുപ്പും നിറത്തിലുള്ള ഒരു ലോഹ വസ്തു കണ്ടെത്തുകയായിരുന്നു.
ബോംബാണെന്നാണ് ആദ്യം കരുതിയത്. തുടർന്ന് വിവരമറിയിച്ചതിനെ തുടര്‍ന്ന് പൊലീസ് എത്തിയ ശേഷമാണ് ഇത് റോക്കറ്റ് ലോഞ്ചറാണെന്ന് സ്ഥിരീകരിച്ചത്. പിന്നീട് ഇത് 117 ആർമി ഇൻഫൻട്രി ബറ്റാലിയന് കൈമാറി.
അതേ സമയം റോക്കറ്റ് ലോഞ്ചർ ക്ഷേത്രത്തിന് സമീപത്ത് എങ്ങനെ എത്തിയെന്ന കാര്യത്തിൽ വ്യക്തതയില്ല. സമീപ പ്രദേശങ്ങളിലെ സിസിടിവി ദൃശ്യങ്ങളുടെ സഹായത്തോടെ പോലീസ് അന്വേഷണം നടത്തി വരികയാണ്. ആരെങ്കിലും കൊണ്ടുവന്ന് വെച്ചതാണോ അതോ വർഷങ്ങൾക്ക് മുമ്പ് കുഴിച്ചിട്ടത് കിട്ടിയതാണോ മുതലായ കാര്യങ്ങളും പൊലീസ് അന്വേഷിക്കുന്നുണ്ട്.