നടി നയൻതാരയുടെ കമ്പനി പരസ്യത്തിനായി കരിങ്കാളിയല്ലേ എന്ന പാട്ട് ഉപയോഗിച്ചതിന് പാട്ടിന്‍റെ നിർമ്മാതാക്കൾ പരാതി നൽകി. പാട്ട് ഉപയോഗിച്ചതിനെ തുടർന്ന് ലക്ഷങ്ങളുടെ നഷ്ടമാണ് ഉണ്ടായിരിക്കുന്നതെന്നാണ് നിർമ്മാതാക്കൾ പറയുന്നത്.
കരിങ്കാളിയല്ലേ എന്ന പാട്ട് സോഷ്യൽ മീഡിയ ഏറ്റെടുത്തതായിരുന്നു. രാജ്യത്തിന്‍റെ നാനാഭാഗത്ത് നിന്നും ആളുകൾ ഈ പാട്ടിനനുസരിച്ച് റീൽസും എടുക്കാൻ തുടങ്ങി. പിന്നീട് ആവേശം സിനിമയിലും ഈ പാട്ട് ഉപയോഗിച്ചതോടെ വീണ്ടും ഏവരുടെയും ശ്രദ്ധ പിടിച്ചു പറ്റി കരിങ്കാളി പാട്ട്.
പക്ഷേ നയൻതാരയുടെ കമ്പനി പാട്ട് സാനിറ്ററി പാഡിന്റെ പരസ്യത്തിന് ഉപയോഗിച്ചതോടെ കഥ മാറിയെന്നാണ് നിര്‍മ്മാതാക്കള്‍ പറയുന്നത്. ഈ സാഹചര്യത്തില്‍ നയൻതാരയുടെ കമ്പനിക്കെതിരെ നിയമ നടപടിയുമായി മുന്നോട്ട് പോകാനാണ് പാട്ടിന്‍റെ നിർമ്മാതാക്കളുടെ തീരുമാനം.