കോളനി എന്ന പേര് ഒഴിവാക്കുമെന്ന സുപ്രധാന തീരുമാനവുമായി മന്ത്രി പദം ഒഴിയുന്നതിന് മുമ്പ് കെ.രാധാകൃഷ്ണന്‍. നിലവില്‍ വ്യക്തികളുടെ പേരിലുള്ള സ്ഥലപ്പേര് മാറില്ല. മറിച്ച് അതിലെ കോളനി എന്ന പദം ഒഴിവാക്കാനാണ് തീരുമാനം.
‘കോളനി എന്ന പദം അടിമത്തത്തിന്റേതാണ്. അത് മേലാളാന്‍മാര്‍ ഉണ്ടാക്കിയതാണ്. ആ പേര് കേള്‍ക്കുമ്പോള്‍ തന്നെ അപകര്‍ഷതാ ബോധം തോന്നുന്നു. ആ പേര് ഇല്ലാതാക്കുകയാണ്. പകരം പേര് ആ പ്രദേശത്തുള്ളവര്‍ക്ക് പറയാം. പക്ഷെ വ്യക്തികളുടെ പേരില്‍ വേണ്ടെന്നാണ് കരുതുന്നത്’ എന്നും കെ രാധാകൃഷ്ണന്‍ പറഞ്ഞു. കോളനി, ഊര്, സങ്കേതം എന്നിവ ഒഴിവാക്കി പകരം നഗര്‍, ഉന്നതി, പ്രകൃതി എന്നിങ്ങനെ ഉപയോഗിക്കാനും തീരുമാനമുണ്ട്