ദില്ലി: നിരവധി പാർശ്വഫലങ്ങൾ ഉണ്ടെന്ന പരാതികൾ വ്യാപകമായതിനെ തുടർന്ന് കൊവിഡ് വാക്സിൻ പിൻവലിച്ച് നിര്മ്മാണ കമ്പനിയായ ‘ആസ്ട്രാസെനേക്ക.
ഉത്പാദനവും വിതരണവും പൂര്ണമായി അവസാനിപ്പിക്കാനും മാര്ക്കറ്റില് അവശേഷിക്കുന്ന സ്റ്റോക്ക് തിരിച്ചെടുക്കാനും കമ്പനി തീരുമാനിച്ചു
വാക്സിനെതിരെ യുകെയില് നിന്നാണ് 51 പേര്ക്ക് ആരോഗ്യ പ്രശ്നങ്ങളുണ്ടായി എന്ന പരാതി ആദ്യമായി ഉയര്ന്നു വന്നത്. ഇതിന് പിന്നാലെ കമ്പനി തന്നെ യുകെ ഹൈക്കോടതിയില് പാര്ശ്വഫലങ്ങളുള്ളതായി സമ്മതിച്ചു. ഇതോടെയാണ് സംഭവം വിവാദമാകുന്നത്
ഇന്ത്യയില് ഏറ്റവുമധികം പേര്ക്ക് നല്കിയതും കമ്പനിയുടെ കൊവിഷീല്ഡ് വാക്സിൻ ആണ്. കനത്ത ആശങ്കയാണ് ഇത് ഇന്ത്യയിലും സൃഷ്ടിച്ചത്.
അതേ സമയം പാര്ശ്വഫലങ്ങള് ഉള്ളതുകൊണ്ടല്ല തങ്ങളുടെ വില്പന കുത്തനെ കുറഞ്ഞു പോയതിനാലാണ് പിൻവലിക്കുന്നതെന്നാണ് കമ്പനിയുടെ വിശദീകരണം. പാര്ശ്വഫലങ്ങളെ കുറിച്ച് ആശങ്കപ്പെടേണ്ട എന്നാണ് കമ്പനി ആവര്ത്തിക്കുന്നത്. രക്തം കട്ട പിടിക്കുന്ന, അല്ലെങ്കില് പ്ലേറ്റ്ലെറ്റ് കൗണ്ട് കുറയ്ക്കുന്ന ടിടിഎസ് എന്ന അവസ്ഥയ്ക്ക് അപൂര്വം പേരില് വാക്സിൻ സാധ്യതയുണ്ടാക്കുമെന്നായിരുന്നു കമ്പനി കോടതിയില് അറിയിച്ചത്