ഇന്ന് രാവിലെയാണ് നെടുമ്പാശേരി വിമാനത്താവളത്തിൽ നിന്ന് മുഖ്യമന്ത്രി പിണറായി വിജയന്‍ കുടുംബസമേതം ദുബായിയിലേക്ക് തിരിച്ചത്. രണ്ടാഴ്ച നീളുന്ന സ്വകാര്യ യാത്ര ആണെന്നാണ് അറിയുന്നത്. മുഖ്യമന്ത്രി, ഭാര്യ കമല, മകള്‍ വീണ, മരുമകനും മന്ത്രിയുമായ മുഹമ്മദ് റിയാസ്, കൊച്ചു മകന്‍ എന്നിവരാണ് സംഘത്തിലുള്ളത്. ഇന്തോനേഷ്യ, സിംഗപ്പുര്‍, ദുബായ് എന്നിവിടങ്ങള്‍ സന്ദര്‍ശിക്കുമെന്നാണ് വിവരം
വ്യക്തിപരമായ ആവശ്യങ്ങൾ ചൂണ്ടിക്കാട്ടിയാണ് യാത്രയ്‌ക്ക് മുഖ്യമന്ത്രി അനുമതി തേടിയത്. കഴിഞ്ഞ ദിവസമാണ് സന്ദർശനത്തിന് കേന്ദ്രസർക്കാർ അനുമതി നൽകിയത്. സ്വകാര്യ സന്ദർശനമായതിനാൽ സർക്കാർ ഔദ്യോഗികമായി വാർത്താക്കുറിപ്പ് ഇറക്കിയിട്ടില്ല.
മകന്റെ കുടുംബത്തിനൊപ്പം ചെലവഴിക്കാനാണ് യാത്രയെന്നാണ് വിശദീകരണം.
എന്നാണ് മുഖ്യമന്ത്രി മടങ്ങി വരുന്നതെന്ന കാര്യത്തില്‍ തീരുമാനമായിട്ടില്ല
കുറച്ച് ദിവസം ഉണ്ടാകില്ലെന്നാണ് മുഖ്യമന്ത്രിയുടെ ഓഫീസിലും മന്ത്രിമാരോടും അറിയിച്ചിട്ടുളളത്.