കോട്ടയം: ഇടതു സ്ഥാനാർത്ഥിയുടെ പര്യടന മുള്ളതിനാൽ പണിക്ക് കയറേണ്ടെന്ന് തൊഴിലുറപ്പ് തൊഴിലാളികൾക്ക് മേറ്റിന്‍റെ നിർദേശം. കോട്ടയം വിജയപുരത്താണ് സംഭവം. പണിക്ക് കയറിയെന്ന് രേഖപ്പെടുത്തിയ ശേഷം സ്ഥാനാർഥി തോമസ് ചാഴിക്കാടന്‍റെ പര്യടന പരിപാടിക്ക് പോകണമെന്നാണ് നിർദ്ദേശം. മെമ്പർ പറഞ്ഞത് അനുസരിച്ചാണ് സന്ദേശം അയച്ചതെന്നാണ് മേറ്റിന്‍റെ ചുമതലയുള്ള ആളുടെ വിശദീകരണം
പഞ്ചായത്ത് ഒമ്പതാം വാർഡിലെ തൊഴിലുറപ്പ് തൊഴിലാളികൾക്കാണ് ഈ നിർദ്ദേശം കിട്ടിയത്. അതേ സമയം നിര്‍ദേശം വന്നെങ്കിലും തൊഴിലാളികളെല്ലാം തന്നെ ജോലിക്ക് ഹാജരായെന്നും സ്വീകരണ യോഗത്തിന് പോയിട്ടില്ലെന്നും അധികൃതര്‍ വ്യക്തമാക്കി. സംഭവത്തില്‍ തെര‍ഞ്ഞെടുപ്പ് കമ്മീഷന് പരാതി നല്‍കുമെന്ന് കോണ്‍ഗ്രസ് അറിയിച്ചു.
തൊഴിലുറപ്പ് തൊഴിലാളികളെ രാഷ്ട്രീയവൽക്കരിക്കാനുള്ള ശ്രമമാണ് നടക്കുന്നതെന്ന് പഞ്ചായത്ത് പ്രസിഡൻറ് വി.ടി സോമൻകുട്ടി ആരോപിച്ചു