മോൻസൺ മാവുങ്കൽ പുരാവസ്തു തട്ടിപ്പ് കേസിൽ കെപിസിസി സംസ്ഥാന അധ്യക്ഷൻ
കെ സുധാകരനെ പ്രതി ചേര്‍ത്ത് കുറ്റപത്രം. കെ സുധാകരൻ രണ്ടാം പ്രതിയാണ്. ഗൂഢാലോചന കുറ്റമാണ് ക്രൈം ബ്രാഞ്ച് സുധാകരനെതിരെ ചുമത്തിയത്. വളരെ ഗുരുതരമായ ഗൂഢാലോചന നടന്നുവെന്നും ശാസ്ത്രീമായി തെളിവുണ്ടെണ്ടെന്നും ക്രൈം ബ്രാഞ്ച് കുറ്റപത്രത്തിൽ വ്യക്തമാക്കുന്നു. മൊൻസണിൽ നിന്ന് 10 ലക്ഷം രൂപ വാങ്ങിയതായുള്ള വിവരങ്ങൾ ആണ് നിലവിൽ ലഭിച്ചത്
കോഴിക്കോട് സ്വദേശി എം.ടി ഷമീറാണ് പുരാവസ്തു തട്ടിപ്പില്‍ സുധാകരന്റെ പങ്കുകൂടി അന്വേഷിക്കണമെന്നാവശ്യപ്പെട്ട് പരാതി നൽകിയത്. മോൻസണിന്റെ കയ്യിൽ നിന്നും പത്ത് ലക്ഷം രൂപ സുധാകരൻ കൈപ്പറ്റിയെന്ന ദൃക്‌സാക്ഷി മൊഴിയുടെ അടിസ്ഥാനത്തിലാണ് നടപടി