വിവാഹ ആഘോഷം ആഭാസമായി തീരുന്ന കാഴ്ചയാണ് ഇപ്പോൾ പല ഇടങ്ങളിലുമുള്ളത്. അത്തരത്തിൽ നടന്ന വിവാഹത്തിന്റെ ഭാഗമായുള്ള ഹൽദി ആഘോഷമാണ് വിമര്‍ശനം നേരിടുന്നത്. ആഘോഷത്തിന്റെ വീഡിയോ സോഷ്യൽ മീഡിയയിൽ വൈറലാണ്
സംഭവം നടന്നത് മുംബൈയിൽ ആണ് സ്പെയിനിലെ പ്രസിദ്ധമായ ലാ ടൊമാറ്റിന ഫെസ്റ്റിവലിന്റെ തീമിലാണ് ഹൽദി ആഘോഷം സംഘടിപ്പിച്ചത്. ടൊമാറ്റിന ഹൽദി എന്നാണ് പേരിട്ടത്. കിലോക്കണക്കിന് തക്കാളികൾ കൂട്ടിയിട്ട് അതിഥികൾ അത് ചവിട്ടി മെതിക്കുകയാണ് ഈ ഹൽദിയിൽ ചെയ്യുന്നത്
ഇതിന്റെ സ്ക്രീൻഷോട്ട് റെഡ്ഡിറ്റിൽ പങ്കുവച്ചിരിക്കുന്നത് r/InstaCelebsGossip എന്ന യൂസറാണ്. ‘ഈ റീൽ എന്തിന് വേണ്ടിയുള്ളതാണ്. ഏസ്തെറ്റിക്ക്സിന്റെ പേരിൽ കിലോ കണക്കിന് ഭക്ഷണം പാഴാക്കുന്നത് എങ്ങനെയാണ് ന്യായീകരിക്കപ്പെടുന്നത്’ എന്നാണ് ഇയാൾ ഇതിനൊപ്പം കുറിച്ചിരിക്കുന്നത്. നിരവധിപ്പേരാണ് ഈ പോസ്റ്റിന് വിമർശന കമന്റുകളുമായി എത്തിയിരിക്കുന്നത്. എന്തിനാണ് ഇങ്ങനെ ഒരു ചടങ്ങ് എന്നാണ് ആളുകൾ ചോദിക്കുന്നത്
സ്പെയിനിലെ തക്കാളി ഉത്സവത്തിൽ കേടുവന്ന തക്കാളികളാണ് ഉപയോഗിക്കുന്നത് എന്നും ഇവിടെ നല്ല ഫ്രഷ് തക്കാളികൾ ഉപയോഗിച്ചു കൊണ്ടാണ് ഇത് ചെയ്തിരിക്കുന്നത് എന്നും ഇതിന്റെ ആവശ്യം എന്തായിരുന്നു എന്ന് ചോദിച്ചവരും ഉണ്ട്