ആലപ്പുഴ :ഗവര്‍ണര്‍ ആരിഫ് മുഹമ്മദ് ഖാന്‍റെ ഔദ്യോഗിക വാഹനത്തിന് മോട്ടോര്‍ വാഹന വകുപ്പ് പിഴയിട്ടു. സീബ്രാ ലൈനില്‍ വാഹനം നിര്‍ത്തിയതിനാണ് ഗവര്‍ണറുടെ ബെന്‍സ് ജി.എല്‍ഇ മോഡല്‍ കാറിന് 250 രൂപ പിഴ ചുമത്തിയത്
കഴിഞ്ഞ വര്‍ഷം മാര്‍ച്ച് മൂന്നിന് ആലപ്പുഴ ചേര്‍ത്തലയില്‍ വച്ചുണ്ടായ നിയമലംഘനത്തിന്റെ അടിസ്ഥാനത്തിലാണ് പിഴ.
ഡ്യൂട്ടിയില്‍ ഉണ്ടായിരുന്ന ഉദ്യോഗസ്ഥന്‍ വാഹനം നടത്തിയ നിയമലംഘനത്തിന്റെ ഫോട്ടോ എടുത്താണ് പിഴ ഈടാക്കിയത്
നിയമലംഘനം നടത്തിയ സമയത്ത് ഗവര്‍ണര്‍ വാഹനത്തില്‍ ഉണ്ടായിരുന്നോ എന്ന കാര്യത്തില്‍ വ്യക്തതയില്ല.
2023 ജൂണ്‍ 5 മുതലാണ്
എ ഐ കാമറകള്‍ പിഴ ഈടാക്കി തുടങ്ങിയത്. എന്നാല്‍ ഇതിന് മൂമ്പെ ഗവര്‍ണര്‍ക്ക് പിടി വീണിരുന്നു. 2023 ഡിസംബറില്‍ മുന്‍സീറ്റ് യാത്രക്കാരന്‍ സീറ്റ് ബെല്‍റ്റ് ധരിക്കാത്തതിന് മുഖ്യമന്ത്രിയുടെ വാഹനത്തിന് എഐ ക്യാമറ പിഴ ചുമത്തിയിരുന്നു