അയോധ്യ: രാമക്ഷേത്ര സമുച്ചയത്തിന്റെ വീഡിയോ ക്യാമറയിൽ പകർത്തിയ യുവാവിന് കിട്ടിയത് എട്ടിന്റെ പണി. സമുച്ചയത്തിന്റെ വീഡിയോ ക്യാമറയിൽ പകർത്തിയ ഛത്തീസ്ഗഢ് സ്വദേശി ഭാനു പട്ടേലിനെ പോലീസ് അറസ്റ്റ് ചെയ്യുകയായിരുന്നു. അനധികൃത ഫോട്ടോഗ്രാഫി നിരോധിച്ചിട്ടുള്ള പ്രദേശമാണ് രാമക്ഷേത്ര പരിസരം. രാമക്ഷേത്രത്തിന്റെ പത്താം നമ്പർ ഗേറ്റിന് സമീപം ബൈക്കിലെത്തിയ ശേഷം ഹെൽമറ്റിൽ ഘടിപ്പിച്ച ക്യാമറയിൽ വീഡിയോ പകർത്തുന്നതിനിടെയാണ് യുവാവ് പിടിയിലായത്. രാം ജന്മഭൂമി പൊലീസ് സ്റ്റേഷനിൽ രഹസ്യാന്വേഷണ ഏജൻസികൾ ഇയാളെ ചോദ്യം ചെയ്തു വരികയാണെന്ന് പൊലീസ് വ്യക്തമാക്കി. ഇയാളെ കുറിച്ച് കൂടുതൽ വിവരങ്ങൾ പുറത്തുവിടാൻ പൊലീസ് തയാറായിട്ടില്ല