ആലപ്പുഴ: രാവിലെ ആയിട്ടും വീട് തുറക്കാതെ വന്നതോടെയാണ് ആലപ്പുഴ തലവടിയിലെ വീട്ടിൽ ഒരു കുടുംബത്തിലെ നാലുപേർ മരിച്ചതായി അറിയുന്നത്. മക്കളെ കൊന്ന് ദമ്പതികള്‍ ജീവനൊടുക്കുകയായിരുന്നു. സുനു– സൗമ്യ ദമ്പതികളാണ് ആത്മഹത്യ ചെയ്തത്. ഇവരുടെ മക്കളായ ആദിയും ആദിലും കൊല്ലപ്പെട്ടു. അയല്‍വാസികള്‍ക്ക് സംശയം തോന്നുകയും പോലീസിൽ വിവരമറിയിക്കുകയുമായിരുന്നു. തുടർന്നാണ് നാലു പേർ കൊല്ലപ്പെട്ടെന്ന വിവരം പുറംലോകം അറിയുന്നത്. പോലീസെത്തി വീട് തുറന്നപ്പോള്‍ ദമ്പതികളെ തൂങ്ങി മരിച്ച നിലയിലും മക്കളെ മുറിയില്‍ കൊല്ലപ്പെട്ട നിലയിലുമാണ് കണ്ടെത്തിയത്. സാമ്പത്തിക പ്രതിസന്ധിയാകാം മരണകാരണമെന്ന് പറയുന്നു. എടത്വ പൊലീസ് സ്ഥലത്തെത്തി പരിശോധനകൾ നടത്തി. ഇന്‍ക്വസ്റ്റ് പൂര്‍ത്തിയാക്കിയ ശേഷം മൃതദേഹങ്ങള്‍ പോസ്റ്റുമോര്‍ട്ടത്തിനയക്കും