തൃശ്ശൂർ: വിവേകോദയം സ്കൂളിലാണ് വെടിവെപ്പ് നടന്നത്. സ്കൂളിലെ പൂർവ വിദ്യാർത്ഥി മുളയം സ്വദേശി ജഗനാണ് വെടിവെച്ചത്. പ്രതി ലഹരിക്കടിമയായണെന്ന് പോലീസ് വ്യക്തമാക്കി. സ്റ്റാഫ് റൂമിൽ കയറി അധ്യാപകരെ ഭീഷണിപ്പെടുത്തിയ ശേഷം ക്ലാസ്സിൽ തോക്കുമായെത്തി വെടി വച്ച് ഭീകരാന്തരീക്ഷം സൃഷ്ടിക്കുകയായിരുന്നു.
ക്ലാസ് റൂമിൽ കയറി മൂന്ന് തവണ മുകളിലേക്ക് വെടിവക്കുകയായിരുന്നുവെന്നാണ് അധ്യാപകർ പറയുന്നത്. തുടര്‍ന്ന് ഇറങ്ങി ഓടുന്നതിനിടെ നാട്ടുകാർ ചേര്‍ന്ന് ഇയാളെ പിടികൂടി പൊലീസില്‍ ഏൽപ്പിക്കുകയായിരുന്നു. പ്രതിയെ തൃശൂർ ഈസ്റ്റ് പൊലീസാണ് കസ്റ്റഡിയിലെടുത്തത്