9 വയസ്സുകാരിയായ പെൺകുട്ടിയെ ലൈംഗികമായി പീഡിപ്പിച്ചതിൽ പ്രായപൂർത്തിയാവാത്ത രണ്ട് ആൺകുട്ടികൾ പിടിയിൽ. 10, 12 വയസ്സുള്ള കുട്ടികളെയാണ് പൊലീസ് അറസ്റ്റ് ചെയ്തത്. ഡൽഹിയിലാണ് ഞെട്ടിക്കുന്ന സംഭവം നടന്നത്. വീടിനടുത്ത് കളിച്ചുകൊണ്ടിരുന്ന കുട്ടിയെ രണ്ട് ആൺകുട്ടികൾ ചേർന്ന് അടുത്തുള്ള ആളൊഴിഞ്ഞ വീട്ടിലേക്ക് കൊണ്ടുപോയി പീഡിപ്പിക്കുകയായിരുന്നു.
ഡൽഹി ശാസ്ത്രി പാർക്ക് ഏരിയയിലാണ് സംഭവം. ഇന്നലെ ഉച്ചക്ക് 2 മണിയോടെ പെൺകുട്ടി കളിക്കാനായി പോയി. വൈകിട്ട് 4.30നു തിരികെവന്നു. തിരികെവന്നതിനു ശേഷം അടിവയറ്റിൽ വേദനയുണ്ടെന്ന് കുട്ടി മാതാവിനെ അറിയിച്ചു. തുടർന്ന് മാതാവ് കാര്യം അന്വേഷിച്ചപ്പോൾ കുട്ടി പീഡനവിവരം അറിയിക്കുകയായിരുന്നു.