ഇന്ത്യൻ യുവാക്കളെ ചൈനീസ് സൈന്യം തട്ടിക്കൊണ്ടു പോയ സംഭവത്തിൽ കേന്ദ്രസർക്കാരിനെതിരെ രൂക്ഷ വിമർശനവുമായി രാഹുൽ ഗാന്ധി. പ്രധാനമന്ത്രിയുടെ മൗനമാണ് അദ്ദേഹത്തിന്റെ ഉത്തരം. മോദി മൗനം പാലിക്കുന്നത് അദ്ദേഹത്തിന് താൽപ്പര്യമില്ലാത്തത് കൊണ്ടാണെന്നും രാഹുൽ കുറ്റപ്പെടുത്തി.
“റിപ്പബ്ലിക് ദിനത്തിന് ദിവസങ്ങൾക്ക് മുമ്പ് ഇന്ത്യയിൽ നിന്ന് ഒരാളെ ചൈന തട്ടിക്കൊണ്ടുപോയി. ഞങ്ങൾ മിറാം തരൂണിന്റെ കുടുംബത്തോടൊപ്പമാണ്, പ്രതീക്ഷ കൈവിടില്ല.. വിട്ടുകൊടുക്കില്ല… പ്രധാനമന്ത്രിയുടെ മൗനമാണ് അദ്ദേഹത്തിന്റെ ഉത്തരം. അദ്ദേഹത്തിന് വിഷയത്തിൽ താൽപ്പര്യമില്ല…” – രാഹുൽ ട്വിറ്ററിൽ കുറിച്ചു.
