കോവിഡ് ബാധിച്ച് ചികിത്സയില്‍ കഴിയുന്ന മുന്‍ എം.എല്‍.എയും സി.പി.എം സംസ്ഥാന സമിതി അംഗവുമായ പി ജയരാജന്റെ ആരോഗ്യനിലയില്‍ കൂടുതല്‍ പുരോഗതിയുണ്ടായതായി മെഡിക്കല്‍ ബോര്‍ഡ്. ന്യുമോണിയയുടെ തുടക്കം പരിശോധനയില്‍ വ്യക്തമായതിനാല്‍ കൂടുതല്‍ ജാഗ്രത പുലര്‍ത്തേണ്ടതുണ്ടെന്നും മെഡിക്കല്‍ ബോര്‍ഡ് വിലയിരുത്തി.കോവിഡ് ന്യുമോണിയയുടെ തുടക്കം പരിശാധനയില്‍ വ്യക്തമായിട്ടുള്ളതിനാലും നാലുതവണ ആന്‍ജിയോപ്ലാസ്റ്റി കഴിഞ്ഞതിനാലും ജയരാജന്റെ ചികിത്സ ഐ.സി.യുവില്‍ തുടരും
രക്തത്തിലെ ഓക്‌സിജന്റെ അളവും രക്തസമ്മര്‍ദ്ദവും സാധാരണനിലയില്‍ തുടരുന്നത് ആശ്വാസകരമാണ്.ഇന്ന് ഹൃദയസംബന്ധമായ പരിശോധന നടത്തി. മരുന്നുകള്‍ തുടരാന്‍ തീരുമാനിച്ചതായും മെഡിക്കല്‍ ബോര്‍ഡ് ചെയര്‍മാന്‍ ഡോ കെ അജയകുമാറും കണ്‍വീനര്‍ ഡോ കെ സുദീപും അറിയിച്ചു.