കാസര്‍കോട്: തദ്ദേശ സ്വയംഭരണ തെരഞ്ഞെടുപ്പില്‍ സി.പി.എം ജനപ്രതിനിധിയുടെ ഭീഷണിക്ക് വിധേയനായ പ്രിസൈഡിങ് ഓഫിസറുടെ പരാതിയില്‍ നടപടി സ്വീകരിക്കാത്തതിെന്‍റ പേരില്‍ അന്വേഷണം നേരിടുന്ന ജില്ല കലക്ടറെ തെരഞ്ഞെടുപ്പ് ഉത്തരവാദിത്തത്തില്‍ നിന്ന് ഒഴിവാക്കണമെന്ന് മുസ്ലിം ലീഗ് കാസര്‍കോട് നിയോജക മണ്ഡലം പ്രവര്‍ത്തക സമിതി യോഗം ആവശ്യപ്പെട്ടു.തെരഞ്ഞെടുപ്പ് വേളയിലും അല്ലാത്തപ്പോഴും രാഷ്ട്രീയ പക്ഷപാതിത്വ നിലപാടിെന്‍റ പേരില്‍ വിവിധ കക്ഷികളുടെ പരാതിക്കും പൊതു സമൂഹത്തിെന്‍റ ആക്ഷേപത്തിനും വിധേയനായ വ്യക്തിയുടെ കീഴില്‍ സുതാര്യവും നീതിപൂര്‍വവുമായ തെരഞ്ഞെടുപ്പ് അസാധ്യമാണെന്ന് യോഗം വിലയിരുത്തി.
തദ്ദേശ സ്ഥാപനങ്ങളുടെ അധികാരത്തില്‍ കൈകടത്തുകയും ജനപ്രതിനിധികളെ അവഹേളിക്കുകയും ചെയ്യുന്ന ഉദ്യോഗസ്ഥ മാഫിയക്ക് നേതൃത്വം നല്‍കുന്ന വ്യക്തിയാണ് അദ്ദേഹമെന്ന് യോഗം അഭിപ്രായപ്പെട്ടു.പ്രസിഡന്‍റ് എ.എം. കടവത്ത് അധ്യക്ഷത വഹിച്ചു. സംസ്ഥാന ട്രഷറര്‍ സി.ടി. അഹമ്മദലി, ജില്ല പ്രസിഡന്‍റ് ടി.ഇ. അബ്ദുല്ല, ജനറല്‍ സെക്രട്ടറി അബ്ദുറഹിമാന്‍, എന്‍.എ. നെല്ലിക്കുന്ന് എം.എല്‍.എ, ജില്ല ഭാരവാഹികളായ കെ. മുഹമ്മദ് കുഞ്ഞി, പി.എം. മുനീര്‍ ഹാജി, മൂസ ബി. ചെര്‍ക്കള, മണ്ഡലം ഭാരവാഹിളായ മാഹിന്‍ കേളോട്ട്, അബ്ബാസ് ബീഗം, ഹാഷിം കടവത്ത്, ടി.എം. ഇഖ്ബാല്‍, അബ്ദുറഹിമാന്‍ ഹാജി പട്ട്ള, ഇ. അബൂബക്കര്‍ ഹാജി തുടങ്ങിയവര്‍ സംബന്ധിച്ചു.ജനറല്‍ സെക്രട്ടറി അബ്ദുല്ല കുഞ്ഞി ചെര്‍ക്കള സ്വാഗതം പറഞ്ഞു