കേന്ദ്രസര്‍ക്കാർ ബാങ്കിംങ് സ്വകാര്യവത്കരണ നടപടികള്‍ വേഗത്തിലാക്കാന്‍ ഒരുങ്ങുന്നു. ആദ്യ ഘട്ട പൊതുമേഖലാ ബാങ്കുകളുടെ സ്വകാര്യവത്കരണ നടപടി ഏപ്രില്‍ മാസം മുതല്‍ ആരംഭിക്കും. ആദ്യഘട്ടത്തില്‍ സ്വകാര്യവത്കരിക്കാന്‍ നാലു പൊതുമേഖല ബാങ്കുകളാണ് കേന്ദ്ര സര്‍കാര്‍ നിശ്ചയിച്ചിട്ടുള്ളത്. പുതിയ കാലത്തിന്റെ സാമ്പത്തിക ആവശ്യങ്ങളെയും മികവിനെയും സംതൃപ്തിപ്പെടുത്താന്‍ പൊതുമേഖലാ ബാങ്കുകള്‍ ഇനി രാജ്യത്ത് സ്വകാര്യ വത്കരിക്കപ്പെടും. ഇക്കാര്യത്തിലെ നയപരമായ തീരുമാനത്തിന് പിന്നാലെ നപടികളും കേന്ദ്രസര്‍കാര്‍ ആരംഭിച്ചു. ബാങ്ക് ഓഫ് മഹാരാഷ്ട്ര, ബാങ്ക് ഓഫ് ഇന്ത്യ, ഇന്ത്യന്‍ ഓവര്‍സീസ് ബാങ്ക്, സെന്‍ട്രല്‍ ബാങ്ക് ഓഫ് ഇന്ത്യ എന്നീ ബാങ്കുകള്‍ സ്വകാര്യവത്കരണത്തിനുള്ള ചുരുക്കപ്പട്ടികയില്‍ ഇടം പിടിച്ചു.
