നിയമസഭാ തിരഞ്ഞെടുപ്പ് മുന്നൊരുക്കങ്ങള്‍ വിലയിരുത്തനായി ബിജെപി ദേശീയ അധ്യക്ഷന്‍ ജെപി നദ്ദ ഇന്ന് കേരളത്തിലെത്തും. തിരുവന്തപുരത്ത് എത്തുന്ന നദ്ദ കോര്‍കമ്മറ്റിയോഗത്തിലും സംസ്ഥാന കമ്മറ്റി യോഗത്തിലും പങ്കെടുക്കും. രാത്രി എന്‍ഡിഎ യോഗത്തില്‍ പങ്കെടുത്ത ശേഷം നാളെ രാവിലെ തൃശൂരിലേക്ക് തിരിക്കും. മിഷന്‍ കേരള പ്രാവര്‍ത്തികമാക്കാന്‍ ബിജെപി ദേശീയ നേതൃത്വം നേരിട്ട് കളത്തിലിറങ്ങുകയാണ് . പദ്ധതികളും തന്ത്രങ്ങളും എല്ലാം ആവിഷ്കരിക്കുക ഇനി ദേശീയ നേതൃത്വം തന്നെയാകും. നിയമസഭാ തിരഞ്ഞെടുപ്പില്‍ വിജയ സാധ്യത കണക്കാക്കിയ എ ക്ലാസ് മണ്ഡ‍ലങ്ങളിലെയടക്കം മുന്നൊരുക്കങ്ങള്‍ ഇന്ന് കേരളത്തിലെത്തുന്ന ദേശീയ അധ്യക്ഷന്‍ നേരിട്ട് വിലയിരുത്തും. ബിജെപി നേതാക്കള്‍ക്ക് പുറമേഎന്‍ഡിഎ ഘടകക്ഷികളുമായും ചര്‍ച്ച നടത്തും . പ്രമുഖ വ്യക്തികളും സാമൂദായിക നേതാക്കളുമായുള്ള കൂടിക്കാഴ്ചയും ആദ്യ ദിനത്തിലെ പ്രധാന പരിപാടികളില്‍ ഉള്‍പ്പെടുന്നു.
