സോളാര്‍ കേസുകള്‍ സിബിഐ ഉടൻ ഏറ്റെടുക്കില്ല. കേസുകൾ നിയമോപദേശം തേടിയ ശേഷം മാത്രമാകും ഏറ്റെടുക്കുക. ഓരോ കേസുകളിലും പ്രത്യേകം നിയമോപദേശം തേടും. സിബിഐക്ക് സംസ്ഥാന സര്‍ക്കാരിന്റെ വിജ്ഞാപനം കൈമാറിയിട്ടുണ്ട്. സംസ്ഥാന സര്‍ക്കാര്‍ കൈമാറിയ കേസുകളില്‍ തുടരന്വേഷണ സാധ്യത സിബിഐ പരിഗണിക്കും. കഴിഞ്ഞദിവസമാണ് കേരളം കൈമാറിയ വിജ്ഞാപനം പേഴ്‌സണല്‍ മന്ത്രാലയം സിബിഐക്ക് കൈമാറിയത്. ഈ വിജ്ഞാപനം പരിശോധിച്ച ശേഷമാണ് സിബിഐ നിയമോപദേശം തേടാന്‍ തീരുമാനിച്ചിരിക്കുന്നത്.
