മുൻ ഹരിത നേതാക്കൾ എം എസ് എഫ് സംസ്ഥാന പ്രസിഡെന്റ് പി കെ നവാസിനെതിയരെ വനിതാ കമ്മീഷനിൽ നൽകിയ പരാതിയിൽ ഒപ്പു വയ്ക്കാത്തതിന്റെ കാരണം വ്യക്തമാക്കി പുതിയ സംസ്ഥന അധ്യക്ഷ അയിഷാബാനു പി എച്ച് . ഹരിത പ്രശ്നം പാര്‍ട്ടിക്ക്‌ പരിഹരിക്കാൻ കഴിയുമായിരുന്നുവെന്നാണ് ആയിഷയുടെ വിശദീകരണം.
പാർട്ടിയിലെ പ്രശ്നം വനിതാകമ്മീഷന് പരിഹരിക്കാനാകില്ല, അഭിപ്രായ സ്വാതന്ത്യമില്ലാത്ത പാർട്ടിയല്ല ലീഗ് ഹരിത ഭാരവാഹിയായി പ്രവർത്തിച്ച അനുഭവമുണ്ട്. എല്ലാ അഭിപ്രായവും മാനിക്കുന്ന നേതാക്കളാണ് ലീഗിന്റേത് . വിവാദങ്ങളെ കുറിച്ച് സംസാരിക്കുന്നില്ല അതെല്ലം പാർട്ടി പറഞ്ഞു കഴിഞ്ഞതാണ്. പ്രശ്നങ്ങൾ മാന്യമായി പരിഹരിച്ച ചരിത്രമാണ് ലീഗിന്. നിലവിലുള്ള പ്രശ്നങ്ങൾക്കും പാര്‍ട്ടി പരിഹാരം കണ്ടെത്തും പാർട്ടിക്കൊപ്പം നിൽക്കുന്നത് പ്രവർത്തക എന്ന നിലയിൽ ഉത്തരവാദിത്തമാണെന്നും ആയിഷ ബാനു വ്യക്തമാക്കി
അതേസമയം, ഹരിത കമ്മിറ്റി പിരിച്ചുവിട്ടതില്‍ പ്രതിഷേധിച്ച് കാസര്‍കോട്‌, വയനാട് ജില്ലാ പ്രസിഡണ്ടുമാര്‍ രാജി വച്ചിരുന്നു.