മട്ടന്നൂര്‍ നഗരസഭാ തെരഞ്ഞെടുപ്പില്‍ എല്‍.ഡി.എഫ് ഭരണം നിലനിര്‍ത്തി. 3 റൗണ്ടുകള്‍ പൂര്‍ത്തിയായപ്പോള്‍ എല്‍.ഡി.എഫ് 21 സീറ്റുകളിലും യു.ഡി.എഫ് 14 സീറ്റുകളിലും വിജയിച്ചു. അഞ്ചാം വാര്‍ഡായ ആണിക്കരിയില്‍ ലീഗ് സ്ഥാനാര്‍ഥി ഉമൈബ ടീച്ചര്‍ വിജയിച്ചു. എല്‍.ഡി.എഫില്‍ നിന്ന് യു.ഡി.എഫ് സീറ്റ് പിടിച്ചെടുക്കുകയായിരുന്നു. മണ്ണൂര്‍, പൊറോറ, ഏളന്നൂര്‍ , ആണിക്കരി, പെരിഞ്ചേരി തുടങ്ങിയ ഡിവിഷനുകള്‍ യു.ഡി.എഫിനൊപ്പം നിന്നപ്പോള്‍ കീച്ചേരി, കല്ലൂര്‍, കുഴിക്കല്‍, കയനി- ദേവര്‍കാട്, നെല്ലൂന്നി, കാര തുടങ്ങിയവ എല്‍.ഡി.എഫ് നേടി. കഴിഞ്ഞ തവണ യു.ഡി.എഫിന് 7 സീറ്റ് മാത്രമായിരുന്നു ലഭിച്ചത്. മട്ടന്നൂര്‍ ഹയര്‍സെക്കന്‍ഡറി സ്‌കൂളിലാണ് വോട്ടെണ്ണല്‍ പുരോഗമിക്കുന്നത്.