കമ്മാരസംഭവം എന്ന ചിത്രത്തിനു ശേഷം രതീഷ് അമ്പാട്ടും മുരളി ഗോപിയും ഒന്നിക്കുന്ന തീര്‍പ്പ് എന്ന ചിത്രത്തിന്റെ രണ്ടാമത്തെ ടീസറെത്തി. പൃഥ്വിരാജാണ് ചിത്രത്തിലെ നായകന്‍. ഒപ്പം ഇന്ദ്രജിത്തും അഭിനയിക്കുന്നുണ്ട്. സസ്‌പെന്‍സ് ത്രില്ലര്‍ വിഭാഗത്തില്‍ പെടുന്ന സിനിമയാണ് തീര്‍പ്പ്. വിജയ് ബാബു, സൈജു കുറുപ്പ്, ഇഷ തല്‍വാര്‍,ഹന്ന റെജി കോശി എന്നിവരാണ് ചിത്രത്തിലെ മറ്റു താരങ്ങള്‍. വിജയ് ബാബുവും രതീഷ് അമ്പാട്ടും മുരളി ഗോപിയും ചേര്‍ന്നാണ് ചിത്രം നിര്‍മിക്കുന്നത്. പൃഥ്വിയും ഇന്ദ്രജിത്തും വീണ്ടും ഒന്നിക്കുന്നു എന്ന പ്രത്യേകത കൂടി സിനിമയ്ക്കുണ്ട്. ആഗസ്ത് 25നാണ് ചിത്രം തിയറ്ററുകളിലെത്തുക.