ബിരുദവിദ്യാർത്ഥിക്ക് ലഭിച്ചത് 100ൽ 151 മാർക്ക് ബീഹാറിലാണ് സംഭവം. ദർഭംഗ ജില്ലയിലെ ലളിത് നാരായൺ മിഥില സർവകലാശാലയിലെ ബിഎ വിദ്യാർത്ഥിക്കാണ് രാഷ്ട്രമീമാംസ പരീക്ഷയിൽ ആകെ ഉള്ള മാർക്കിനെക്കാൾ 51 മാർക്ക് അധികം ലഭിച്ചത്. സർവകലാശാലയിലെ മറ്റൊരു വിദ്യാർത്ഥിയ്ക്ക് അക്കൗണ്ടിംഗ് ആൻഡ് ഫിനാൻസ് പരീക്ഷയ്ക്ക് ലഭിച്ചത് 0 മാർക്കാണ്. എന്നാൽ, 0 മാർക്ക് ലഭിച്ച വിദ്യാർത്ഥിക്ക് അടുത്ത ക്ലാസിലേക്ക് സ്ഥാനക്കയറ്റം ലഭിക്കുകയും ചെയ്തു. അച്ചടിപ്പിശകാണെന്നാണ് സർവകലാശാല അധികൃതർ നൽകുന്ന വിശദീകരണം. തെറ്റ് മനസിലാക്കിയ സർവകലാശാല കൃത്യമായ മാർക്ക് ഷീറ്റുകൾ നൽകിയെന്നും സർവകലാശാല വിശദീകരിച്ചു.