ഗവർണറുടെ പി എ ആയി ഹരി എസ് കർത്തയുടെ നിയമനം അസ്വാഭാവികതയിലെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ. അനധികൃത ബന്ധു നിയമനം നടത്തുന്നുവെന്നാണ് ചാരിത്ര്യപ്രസംഗം നടത്തുന്നത്. ഗവർണറുടെ പി എ നിയമനത്തെ രാഷ്ട്രീയമായി കാണുന്നത് തെറ്റെന്ന് ബിജെപി സംസ്ഥാന അധ്യക്ഷൻ വ്യക്തമാക്കി.
നിയമനത്തിൽ ഉള്ള വിയോജിപ്പ് മുഖ്യമന്ത്രി ഫയലിൽ കുറിച്ചു. രാഷ്ട്രീയ പ്രവർത്തകനെ രാജ്ഭവനിൽ നിയമിക്കുന്നതിലുള്ള അതൃപ്തി രേഖാമൂലംഅറിയിച്ചു കൊണ്ടാണ് പൊതുഭരണ വകുപ്പ് സെക്രട്ടറി നിയമന ഉത്തരവ് രാജ്ഭവന് കൈമാറിയത്. സർക്കാരും ഗവർണറും ഒത്തുകളിക്കുന്നതിന്റെ ഒടുവിലത്തെ ഉദാഹരണമാണ് ഹരി എസ്. കർത്തയുടെ നിയമനമെന്ന് പ്രതിപക്ഷ നേതാവ് വി.ഡി.സതീശൻ ആരോപിച്ചിരുന്നു.
