കൊച്ചി ; നടന് ജയസൂര്യയെയും ഭാര്യ സരിതയെയും സേവ് ബോക്സ് ആപ്പ് തട്ടിപ്പ് കേസിലാണ് ഇഡി ചോദ്യം ചെയ്യുന്നത്.
ഓണ്ലൈന് ലേല ആപ്പായ സേവ് ബോക്സിന്റെ ബ്രാന്ഡ് അംബാസിഡറായി ജയസൂര്യക്ക് കരാര് ഉണ്ടായിരുന്നു എന്ന വിവരത്തിന്റെ അടിസ്ഥാനത്തിലാണ്
ചോദ്യം ചെയ്യല്. ഇത് രണ്ടാം തവണയാണ് ജയസൂര്യയെ ചോദ്യം ചെയ്യുന്നത്. സേവ് ബോക്സ് നിക്ഷേപത്തട്ടിപ്പ് കേസില് സ്ഥാപന ഉടമയും മുഖ്യ പ്രതിയുമായ സ്വാതിഖ് റഹീമിനെ നേരത്തെ അറസ്റ്റ് ചെയ്തിരുന്നു. സേവ് ബോക്സിന്റെ ഫ്രാഞ്ചൈസി നല്കാമെന്ന് പറഞ്ഞ് സ്വാതിഖ് റഹീം ലക്ഷങ്ങള് തട്ടിയെന്നായിരുന്നു പരാതി
സേവ് ബോക്സ്, ഓണ്ലൈന് ലേലം നടത്തുന്ന സ്ഥാപനമാണ്. ഇതേ പേരില് മൊബൈല് ആപ്പും പുറത്തിറക്കിയിരുന്നു. ഇലക്ട്രോണിക്സ് ഉപകരണങ്ങള് കുറഞ്ഞ വിലയില് ഓണ്ലൈന് ലേലത്തിലൂടെ സ്വന്തമാക്കാമെന്നായിരുന്നു കമ്പനിയുടെ വാഗ്ദാനം. ഈ ലേലത്തില് പങ്കെടുക്കാനായി സേവ് ബോക്സ് നല്കുന്ന വെര്ച്വല് കോയിനുകള് പണം കൊടുത്ത് വാങ്ങണം. മാസം 25 ലക്ഷം രൂപ വരെ ലാഭം വാഗ്ദാനം ചെയ്താണ് സ്വാതിഖ് റഹീം നിക്ഷേപം സ്വീകരിച്ചിരുന്നത്. നൂറിലധികം പേരില്നിന്ന് ലക്ഷങ്ങള് നിക്ഷേപമായി സ്വീകരിച്ചിട്ടുണ്ടെന്നാണ് നിഗമനം. എന്നാല് ആര്ക്കും ലാഭവിഹിതമോ മുടക്കിയ പണമോ ലഭിക്കാതെ വന്നതോടെയാണ് പരാതികള് ഉയര്ന്നത് സിനിമാ താരങ്ങളുമായി അടുപ്പം പുലര്ത്തിയിരുന്ന സ്വാതിഖ് റഹീം ഈ ബന്ധങ്ങളും തട്ടിപ്പിന് ഉപയോഗിച്ചതായി കണ്ടെത്തിയിരുന്നു. സിനിമാതാരങ്ങളെ പങ്കെടുപ്പിച്ചാണ് സ്വാതിഖ് സേവ് ബോക്സിന്റെ പല ചടങ്ങുകളും സംഘടിപ്പിച്ചിരുന്നത്
About the Author
