തിരുവനന്തപുരം ; പോറ്റിയെ കേറ്റിയേ സ്വര്ണം ചെമ്പായി മാറ്റിയെ’ പാട്ടിനെതിരെ
തിരുവാഭരണ പാത സംരക്ഷണ സമിതി ജനറൽ സെക്രട്ടറി പ്രസാദ് കുഴിക്കാലയാണ്
ഡിജിപിക്ക് പരാതി നല്കിയത്. രാഷ്ട്രീയ ലാഭത്തിനുള്ള പാട്ടിനൊപ്പം അയ്യപ്പനെ ചേർത്തത് വേദനിപ്പിച്ചു, ഭക്തരെ അപമാനിച്ചു.
മനോഹരമായ ഭക്തിഗാനത്തെ വികലമായി ഉപയോഗിച്ചെന്നും രാഷ്ട്രീയ ലാഭത്തിന് വേണ്ടിയാണ് പാട്ടിനെ വികലമാക്കിയതെന്നും ചൂണ്ടിക്കാട്ടിയാണ് പരാതി നല്കിയത്. പാട്ട് പിൻവലിക്കണം എന്നും പരാതിയിൽ ആവശ്യപ്പെട്ടിട്ടുണ്ട്
യുഡിഎഫ് തെരെഞ്ഞെടുപ്പ് പ്രചാരണത്തിനായി തയ്യാറാക്കിയതാണ് പാട്ട്. മലപ്പുറം പടിഞ്ഞാറ്റുമുറിയിലെ ഡാനിഷ് മുഹമ്മദാണ് പാട്ട് പാടിയത്. പാട്ട് വലിയ രീതിയിൽ വൈറലാവുകയും വലിയ സ്വീകാര്യത ലഭിക്കുകയും ചെയ്തിരുന്നു.
ശബരിമല സ്വര്ണ കൊള്ളയ്ക്കെതിരെ ഇന്നലെ ഡല്ഹിയില് പാര്ലമെന്റിന് മുന്നില് യുഡിഎഫ് എംപിമാര് പ്രതിഷേധിച്ചതും ഈ പാട്ട് പാടിയായിരുന്നു
About the Author
