തൃശൂർ : കേന്ദ്ര സഹമന്ത്രി സുരേഷ് ഗോപിയോട് വിയോജിച്ച് വരന്തരപ്പിള്ളിയില്
കലുങ്ക് സംവാദത്തില് പങ്കെടുത്ത 4 ബിജെപി പ്രവര്ത്തകര് കോണ്ഗ്രസില് ചേര്ന്നു. പ്രസാദ്, രാജശ്രീ, സുമേഷ്, ശാലിനി എന്നിവരാണ് സംവാദത്തിന്റെ അടുത്ത ദിവസം പാര്ട്ടി വിട്ടത്. ബിജെപി ഭരിക്കുന്ന വേലുപ്പാടം വാര്ഡിലെ ബിജെപി പ്രവര്ത്തകരാണ് ഇവര്. ഈ മാസം 18നായിരുന്നു വരന്തരപ്പിള്ളി പഞ്ചായത്തിലെ നാലാം വാര്ഡില് കലുങ്ക് സംവാദം നടന്നത്. സുരേഷ് ഗോപി സംവാദത്തിനിടെ അപമാനിച്ചതും മന്ത്രിയുടെ പെരുമാറ്റത്തില് താല്പര്യമില്ലാത്തതുമാണ് പാര്ട്ടി വിടാന് കാരണമെന്നാണ് പാര്ട്ടി വിട്ടവര് പറഞ്ഞത്. രാഹുല് ഗാന്ധി സാധാരണക്കാരുടെ ചായക്കടയില് പോയി ചായ കുടിക്കുമെന്നും എന്നാല് എല്ലാവരും പ്രജകളെന്ന് കരുതുന്ന സുരേഷ് ഗോപിക്ക് അത് പറ്റില്ലെന്നും പ്രസാദ് ചൂണ്ടിക്കാട്ടി.
സുരേഷ് ഗോപിയുടെ പ്രജകളല്ല തങ്ങളെന്നും പാര്ട്ടി വിട്ടവര് പറഞ്ഞു
About the Author
