പാലക്കാട്: ഇക്കഴിഞ്ഞ വെള്ളിയാഴ്ച പാലക്കാട് പൊൽപ്പള്ളിയിലാണ് കാർ പൊട്ടിത്തെറിച്ചുണ്ടായ അപകടത്തിൽ സഹോദരങ്ങൾക്ക് പൊള്ളലേറ്റത്.
നാലു വയസുകാരി എമിലീന മാർട്ടിൻ, ആറു വയസുകാരൻ ആൽഫ്രഡ് എന്നിവരാണ് മരിച്ചത്. പൊള്ളലേറ്റ അമ്മ എൽസിയുടെ നില ഗുരുതരമായി തുടരുകയാണ്. കുട്ടികൾക്ക് രണ്ടാൾക്കും 90%ത്തിലധികം പൊള്ളലേറ്റിരുന്നു.
ജോലി കഴിഞ്ഞ് വീട്ടിലെത്തിയ അമ്മ എൽസിക്കൊപ്പം പുറത്തേക്ക് പോകാൻ കാർ സ്‌റ്റാർട്ട് ചെയ്തതിന് പിന്നാലെയാണ് അപകടം സംഭവിച്ചത്.
കാലപ്പഴക്കമുള്ള കാറിൽ ബാറ്ററിയിൽ നിന്നുണ്ടായ ഷോർട്ട് സർക്യൂട്ട് മൂലമാണ് പൊട്ടിത്തെറി എന്നാണ് പ്രാഥമിക നിഗമനം. കാറിൽ പെട്രോൾ ലീക്കുണ്ടായിരുന്നതായും സംശയമുണ്ട്. പാലക്കാട് കണ്ണാടിയിലെ സ്വകാര്യ ആശുപത്രിയിലെ നേഴ്‌സാണ് എൽസി.
2 മാസം മുമ്പാണ് എൽസിയുടെ ഭർത്താവ് മാർട്ടിൻ ക്യാൻസർ ബാധിച്ച് മരിച്ചത്.