തിരുവനന്തപുരത്തെ ഐബി ജീവനക്കാരിയുടെ ആത്മഹത്യയ്ക്ക് കാരണം പ്രണയ നൈരാശ്യമെന്ന് പൊലീസ്. ഐബിയിലെ ജീവനക്കാരനായ ഒരു യുവാവുമായി മേഘ അടുപ്പത്തിലായിരുന്നു. യുവാവ് ബന്ധത്തിൽ നിന്നും പിന്മാറിയതിന്റെ മനോവിഷമത്തിൽ മേഘ ആത്മഹത്യ ചെയ്തുവെന്നാണ് പൊലീസിൻ്റെ കണ്ടെത്തല്‍. തിരുവനന്തപുരം വിമാനത്താവളത്തിലെ എമിഗ്രേഷൻ വിഭാഗത്തിലെ ഉദ്യോഗസ്ഥയായിരുന്ന മേഘയെ ഇന്നലെയാണ്
റെയിൽവേ ട്രാക്കിൽ മരിച്ച നിലയില്‍ കണ്ടെത്തിയത്. ജോലി കഴിഞ്ഞ് വിമാനത്താളത്തിൽ നിന്നും മടങ്ങിയ മേഘ ഫോണിൽ സംസാരിച്ച് റെയിൽവേ ട്രാക്കിലൂടെ നടന്നു പോവുകയായിരുന്നു. ട്രെയിൻ കണ്ടതോടെ മേഘ ട്രാക്കിൽ കിടക്കുകയായിരുന്നു എന്ന് ലോക്കോ പൈലറ്റ് സാക്ഷ്യപ്പെടുത്തിയിട്ടുണ്ട്
അതിനിടെ മേഘയുടെ മരണത്തിൽ ദുരൂഹത ആരോപിച്ച് കുടുംബം രംഗത്തെത്തിയിട്ടുണ്ട് . മരണത്തിൽ വിശദമായ അന്വേഷണം വേണമെന്നാണ് ആവശ്യം. ഇത് സംബന്ധിച്ച് ഐ ബിക്കും പേട്ട പൊലീസിനും കുടുംബം പരാതി നൽകിയിട്ടുണ്ട്. മേഘയ്ക്ക് മറ്റുതരത്തിലുള്ള പ്രശ്നങ്ങൾ ഉണ്ടായിരുന്നതായി അറിയില്ലെന്നാണ് ബന്ധുക്കള്‍ പറഞ്ഞത് പത്തനംതിട്ട സ്വദേശിയായ മേഘ ഒരു വര്‍ഷം മുമ്പാണ് ജോലിയില്‍ കയറിയത്.