കോഴിക്കോട് ഡിഎംഒ ഓഫീസില്‍ നിന്ന് സ്ഥലം മാറ്റം കിട്ടിയ ഡിഎംഒ ഡോ. രാജേന്ദ്രനും സ്ഥലം മാറിയെത്തിയ ഡിഎംഒ ഡോ. ആശാദേവിയും ഇന്ന് സീറ്റുകളില്‍ മുഖാമുഖം ഇരിപ്പുറപ്പിച്ചു. സ്റ്റേ നീക്കിയിട്ടും മുന്‍ ഡിഎംഒ ഡോ. രാജേന്ദ്രന്‍ കസേര ഒഴിഞ്ഞില്ല. സ്ഥലം മാറ്റത്തിനെതിരെ നേരത്തെ രാജേന്ദ്രന്‍ നല്‍കിയ സ്റ്റേ നീക്കിയതിന് പിന്നാലെയാണ് കഴിഞ്ഞ ദിവസം ആശാ ദേവി ഡിഎംഒ ആയി ചുമതലയേറ്റെടുക്കാന്‍ എത്തിയത്. ഇതോടെ രണ്ട് ഓഫീസര്‍മാരും ഒരേ ഓഫീസില്‍ മുഖാമുഖം ഉള്ള ഇരിപ്പ് തുടരുകയാണ്
ഡിഎച്ച്എസ് ഓഫീസിലേക്കാണ് രാജേന്ദ്രനെ മാറ്റിയിരിക്കുന്നത്. എന്നിട്ടും കസേരയൊഴിയാന്‍ രാജേന്ദ്രന്‍ തയ്യാറായില്ല.
ഓഫീസില്‍ നിന്ന് ഇറങ്ങാതിരുന്ന രാജേന്ദ്രന്‍ താന്‍ നിയമ നടപടിക്ക് ഒരുങ്ങുകയാണെന്നാണ് അറിയിച്ചത്. ഇന്നലെയും ഏറെ നേരം ആശാദേവി ഓഫീസിനുള്ളില്‍ ഇരുന്നിരുന്നു. പിന്നീട് മടങ്ങുകയായിരുന്നു. ഇതിന് പിന്നാലെയാണ് ഇന്ന് ആശാ ദേവി വീണ്ടും ചുമതലയേറ്റെടുക്കാന്‍
എത്തിയത്