കോഴിക്കോട്: പരസ്യത്തിൽ മുഖ്യമന്ത്രി പിണറായി വിജയന്‍റെ മുഖം മറച്ച് ലീഗ് മുഖപത്രം ചന്ദ്രിക. കോഴിക്കോട് എഡിഷന്‍റെ ഇ-പേപ്പറിലാണ് എറണാകുളം മാർക്കറ്റ് കോംപ്ലക്സ് ഉദ്ഘാടന പരസ്യത്തില്‍ പിണറായിയുടെ മുഖം മറച്ചത്. അതേ സമയം പത്രത്തിൽ അച്ചടിച്ച പരസ്യത്തിൽ ഇങ്ങനെ മുഖം മറച്ചിട്ടില്ല
മറ്റ് ജില്ലകളുടെ ഓൺലൈൻ എഡിഷനിലും മുഖ്യമന്ത്രിയുടെ മുഖം മറച്ചിട്ടില്ല. കോഴിക്കോട് ജില്ല ഓൺലൈൻ എഡിഷനിൽ മാത്രമാണ് മുഖ്യമന്ത്രിയുടെ മുഖം മറച്ച നിലയിൽ ഉള്ളത്. പിആർഡി വഴി നൽകിയ പരസ്യമാണിത്.
ഇ പേപ്പറിൽ കറുത്ത കള്ളി ഉപയോഗിച്ചാണ് പിണറായിയുടെ മുഖം മറച്ചത്. അതേ സമയം സംഭവം സാങ്കേതിക പ്രശ്നം മാത്രമാണെന്നാണ് ചന്ദ്രിക അധികൃതരുടെ വിശദീകരണം