ആലപ്പുഴ: വയനാട് ദുരിതബാധിതർക്കെന്ന പേരിൽ നടത്തിയ ബിരിയാണി ചലഞ്ചിൽ തട്ടിപ്പ്. 1.2 ലക്ഷം രൂപ തട്ടിയ കേസിൽ 3 സിപിഎം പ്രവർത്തകർക്കെതിരെ കേസെടുത്തു. ബ്രാഞ്ച് സെക്രട്ടറി ഉൾപ്പടെ ഉള്ളവർക്കെതിരെയാണ് കേസ്. കായംകുളം പുതുപ്പള്ളി മുൻ ലോക്കൽ കമ്മറ്റി അംഗം സിബി ശിവരാജൻ, തട്ടേക്കാട് ബ്രാഞ്ച് സെക്രട്ടറി അരുൺ, ഡിവൈഎഫ്ഐ മേഖലാ പ്രസിഡന്റ് അമൽ രാജ് എന്നിവർക്കെതിരെയാണ് കായംകുളം പൊലീസ് കേസെടുത്തത്.
1200 ഓളം ബിരിയാണി നൽകി ദുരിത ബാധിതർക്കായി സമാഹരിച്ച 1.2 ലക്ഷം രൂപ തട്ടിയെടുത്തതായാണ് എഫ്ഐആർ. ബിരിയാണി ചലഞ്ച് കൂടാതെ സംഭാവന വാങ്ങിയും പണത്തട്ടിപ്പ് നടത്തിയെന്ന് എഫ്ഐആറില്‍ പറയുന്നു. സർക്കാരിന് നൽകാൻ പിരിച്ചെടുത്ത തുക ഇവർ ഇതുവരെ കൈമാറിയിട്ടുമില്ല.