ഇന്ന് മഹാനവമി. വിദ്യാരംഭ ദിനമായ വിജയദശമി നാളെ. മഹാനവമി ദിവസമായ ഇന്ന് ക്ഷേത്രങ്ങളില്‍ പുസ്തക, ആയുധ പൂജകളും മറ്റ് വിശേഷാല്‍ പൂജകളും നടന്നു വരുന്നു. നവരാത്രിയുടെ ഒന്‍പതാം ദിവസമാണ് മഹാനവമിയായി ആഘോഷിക്കുന്നത്. ദുര്‍ഗ്ഗയായി അവതരിച്ച പാര്‍വതീ ദേവി 9 ദിവസം യുദ്ധം ചെയ്ത് ഒടുവില്‍ മഹിഷാസുരനെ വധിച്ച ദിവസമാണ് മഹാനവമി എന്നാണ് വിശ്വാസം
വിജയദശമി ദിനമായ നാളെ പൂജയെടുപ്പും എഴുത്തിനിരുത്തലും നടക്കും. ആദിപരാശക്തി സരസ്വതി ദേവിയായി മാറുന്ന വിജയദജശമി നാളിലാണ് കുട്ടികള്‍ വിദ്യാരംഭം കുറിച്ച് അക്ഷര ലോകത്തേക്ക് പ്രവേശിക്കുന്നത്. അതേ സമയം കൊല്ലൂര്‍ മൂകാംബിക ക്ഷേത്രത്തില്‍ വിജയദശമി ഇന്നാണ്. അറിവിന്റെ ആദ്യാക്ഷരം കുറിക്കാന്‍ ആയിരക്കണക്കിന് കുരുന്നുകളാണ് ക്ഷേത്രത്തില്‍ എത്തിയിട്ടുള്ളത്. പുലര്‍ച്ചെ മൂന്ന് മണിയോടെ ചടങ്ങുകള്‍ ആരംഭിച്ചു
പഞ്ചാംഗം അനുസരിച്ച് കേരളത്തില്‍ നാളെയാണ് വിജയദശമി.നാളത്തെ എഴുത്തിനിരുത്തിനായി
ക്ഷേത്രങ്ങളും സാംസ്‌കാരിക കേന്ദ്രങ്ങളും ഒരുങ്ങിക്കഴിഞ്ഞു. തുഞ്ചത്ത് രാമാനുജനെഴുത്തച്ഛന്റെ സ്മരണയില്‍ തുഞ്ചന്‍പറമ്പില്‍ നാളെ
നൂറുകണക്കിന് കുരുന്നുകള്‍ ഹരിശ്രീ കുറിക്കും